之前係元朗就已經食過佢地既任食雞煲😌都係朋友介紹過話好食🤤百零蚊有任食真係好抵！食完雞可以無限添加好正😊 知道天水圍都開左間，梗係帶埋屋企人再去試試！$178任食到飽真係好吸引🤩首先我要讚讚呢度員工係勁有禮貌，我地6點入座人數唔算多，佢地安排左我地坐卡位，我覺得都好熱情招待我地😂見我地望住個Menu，就過嚟推薦下佢地既特色，最後我地點左個招牌：至尊惹味雞煲 佢地都有推介炸饅頭，係元朗店已經食過好正😊必點！速度都好快，好快上雞煲，然後就即刻幫我哋上左饅頭，外皮炸得非常香口,裡面仲好棉密，配埋煉奶食真係好夾，食完會即刻想再食，我哋都即刻再點😂。 然後重點既雞件都要比個大讚佢地😋其他雞煲店有機會痴住好多骨比你，但呢度真係啖啖肉，而且每次加雞份量都好足夠，雞肉好嫩滑，真係每一舊都係肉冇淨骨👍🏻而且夠晒入味，好香口😆唔會死鹹😎 火鍋配料都上得好快，選擇唔算少，想食既基本上都有齊🤩，肉類，蔬菜，離丸，素食類乜都有！ 飲品櫃既都係汽水，想要咖啡同茶可以用手機點，我點既係羅漢果杞子菊花茶，好清涼，食雞煲飲就岩晒，仲有豆漿添🥰

花花公子 $33 之前睇YT介紹葵廣既小店有介紹過呢間，新開冇幾耐見到都唔算多人排就膽粗粗試下，主打係咖啡☕️ 睇片係介紹佢地既豆花咖啡，本身都好中意食豆腐花同飲咖啡，感覺呢兩樣加埋都應該夾既🤣而且每杯飲品都有獨特名稱，我點既叫「花花公子」😆 等左唔算耐，咖啡味都好出，冇比豆花搶左，兩樣野加埋一齊多左份清新感同咬口，個人係幾中意既。但覺得豆腐花好少，而且好碎感覺唔係好食到，淨係飲到有豆味，但整體上係好滿意既，好飲👍🏻👍🏻

酸菜鮮肉煎餃 $48/8隻 大慨晚上9點多去，人數少坐得都幾舒服😌 黎到餃子專門店就梗係食餃子啦！但本身驚食熱野，所以冇叫湯餃，見到餐牌上面有酸菜豬肉餃真係諗都唔洗諗，已經覺得好好食🤤因為本人超中意食酸菜🫢 上菜時間唔算好快，應該係即叫即煎。 熱嗱嗱外皮少脆，一樣好嗱口都要放左陣先食到🫣第一啖咬落去味道係唔錯既，冇話令我覺得好好食想再食既感覺，而且外皮偏厚，但個底煎到好香脆，餡料亦都夠多，算大隻。份量都算多，本身小烏胃食唔晒，正常呢個一人份量岩岩好。 另外仲order 左杯酸梅湯，咁熱既天氣最岩飲啲又凍又酸既野🤣好解渴，同埋都算大杯。

雖然是週日，但下午茶時段入去，客人唔多。附近都有幾間台灣菜，但見呢間餐牌好多菜式圖片，比較吸引🤩就入左去試😂整體感覺唔差，環境都乾淨舒服😌。 夜市香腸滷肉拌麵 $68 台灣腸烤得夠脆，好香口🥰麵底係台灣粗麵，配上淋上面既肉碎超惹味，仲有花生，口感好豐滿，面頭仲有青瓜絲解膩，而且份量好足夠，都算大份😋 芋泥肉鬆蛋餅 $39 通常食台菜見到芋泥既都會好吸引，呢間既芋泥蛋餅當然唔會放過😋但呢間既芋泥餡比較稀，偏削身，之前食開既都係偏實，呢樣比較失望。但蛋餅皮煎得夠脆，面頭有燒汁，整體味道唔差。💕 水蜜桃紅玉 $15（跟餐） 就係好普通既水蜜桃紅茶，因為本身價錢都唔貴有跟餐價，所以正正常常冇乜太大期望😆 黑糖珍珠奶凍 （忘記價錢） 個人覺得食左前面重味既野，再食呢個好清新，一啲都唔膩😍而且唔算太甜，珍珠好軟身，奶凍入口即溶幾好食😋

阿媽成日都話元朗開左間石磨腸粉好好味，今日終於得閒，佢帶左我去試食😆 香港地要搵石磨腸粉真係少之又少，加上整得好食都唔易，而且準備既材料都要岩岩好，唔可以隔夜😬 我地兩個人，每人點左一個腸粉+肉丸湯。本身唔大食，夠飽岩岩好，但正常腸粉可能要食兩碟先夠🤣 石磨碎肉腸粉 $26 雞蛋碎肉腸粉 $27 除左瘦肉，仲有冬菇絲同蔥花，醬油落得夠多，用心調味，食晒碟腸粉，醬油都岩岩好清晒🤣腸粉皮夠薄，多餡。我自己果碟加埋蛋，中意食蔥既朋友可以要求多蔥😆。 新鮮自製豬肉丸 枸杞湯 $31 個湯正正常常冇話好驚艷，肉丸就夠晒彈牙，加埋枸杞可以解膩。成碗野正常發揮，都係好味既。

傳統紫菜包飯$78 紫菜飯卷夠晒足料，料多飯少😃，包括牛肉，蛋，蘿蔔絲，青瓜絲，仲有酸蘿蔔，食落好開胃，又唔會散。 無骨黑炸醬炸雞（半份）$108 中意食濃味既朋友仔可以點黑炸醬味😍當中仲帶有少少甜味，相當夾。面頭仲有青瓜絲可以解膩👍🏻雞肉亦都好嫩滑😄 南瓜八爪魚蛋包飯$158 呢個多包飯賣相夠晒可愛😍蛋上面仲印上南瓜樣，岩晒打卡啦😀店員好細心咁幫我哋切開個蛋，d蛋汁流晒係飯入面一齊食，勁juicy🥰八爪魚彈牙有口感，好有咬口。 橙色怪魔沙冰$52 影相出黎效果好靚，係百香果混合左香橙味，少少酸，幾特別既配搭👍🏻 韓式雜莓牛角包窩夫$72 窩夫焗得夠晒脆，面頭加上忌廉食落好好味🤤再咬淡微酸既士多啤梨🍓全部都好好食，賣相更加無得頂，打卡一流🥰

酒巴既氣氛好好👍🏻如果係世界杯想像到會坐滿晒人😆而且座位都好舒服😌梳化櫈，又夠大張。 值得一提既係串燒既種類真係超級多！有兩版紙，食物分成七大類😱有牛肉，豬肉，鳥類，蔬菜，海鮮，羊肉，同佐酒類！每一類選項都唔少！真係眼花撩亂，好想全部都試勻晒🤣 由於選擇太多，都唔考慮咁多野，咩種類都叫左d黎食😬❤️完全冇令人失望，唔會太油，每樣都烤到岩岩好，味道仲好入味，上菜時間都好快👍🏻 無論係肉類定海鮮類，都非常值得一試再試，某d款我哋仲重複叫多次，肉汁都鎖住入面，完全唔會烤得太乾🥰 每人嗌左一杯cocktails,分別係Pina Colada $86同埋Godiva chocolate$98.平時少飲酒既我覺得兩杯都好易入口，本身既味亦唔會搶左酒味，調得好好飲🥰就算唔識飲酒既人都唔會好抗拒，值得一讚❤️ 安格斯牛肉露筍串$38 炭燒豬頸肉$22 黑毛豬腩串$23 培根年糕卷$26 滋味臘腸串$24 芝士黑松露玉子$58 流心豆腐燒$48 芝士黑松露扇貝（$58/2隻） 香蒜燒鮮鮑魚（$82/3隻） 燒新鮮秋葵$24 招牌茄子燒$39 拉絲水牛芝士條（$65/份） 安格斯牛板腱珍珠飯$98 脆炸加拿大黑毛豬鞍$88

天氣突然凍左好多，最適合食返d暖粒粒既小菜或煲🤔今日行經波鞋街發現呢間既餐牌上有好吸引既煲，入面都坐滿晒人，撞一撞彩希望唔洗等位🤩 因為本身都想食煲，第一眼就見到胡椒豬肚雞煲，佢個餐好抵🤤$268有一個煲，仲有小菜，白飯，糖水👍🏻而且仲有前菜，涼拌雲耳，大大碟，酸酸地好開胃。 個煲連爐上，keep住暖笠笠，個煲都幾大個，雞同豬肚都好多呀！識食第一啖一定要試湯🤩 味道真係好濃，胡椒既少少辣味好正。雞肉好嫩滑而且好入味👍🏻啖啖肉，皮夠薄。之後豬肚連湯食，真係煲到好林，豬肚入晒味。 酸菜煮豬頸肉 酸菜同豬頸肉既份量都唔少，呢個湯都好入味呀，撈飯一流☺️加上個湯同酸菜都唔太辣，岩晒香港人口味。 楊枝甘露 最後仲有糖水添🥰楊枝甘露好滑，唔會太甜，仲有爆爆珠，口感好正。

本身唔係住呢頭，工作需要諗住搵間就腳既茶餐廳。之所以揀呢間係因為見到個裝修都幾乾淨，有舊式冰室feel,門面好企理🥰樓面既服務亦都好好👍🏻禮貌招待👍🏻👍🏻 照燒汁粟米粒肥牛炒飯 $50 本身期望唔高，但估唔到賣相好好睇，金黃色炒飯真係冇得輸🤩而且個飯炒到粒粒分明，配菜比例岩岩好，肥牛都好嫩滑唔會炒到老👍🏻份量亦都好足夠，有湯又有飲品，抵食！ 魚香茄子炆米 $54 基本上去茶餐廳必點，配菜夠多，又有鑊氣，最重要咸魚味好夠，而且好大碟，抵食飽肚之選🤤

朋友介紹左間餐廳話好有鑊氣比得上大排檔😆經過附近又來幫襯😏一出地鐵站行幾步就到。餐廳裝修好特別，有好多卡位同梳化位，而且每個位置都有間住岩晒中意私隱度極高既朋友。叫左兩個小菜，個餐包白飯，例湯同飲品都有，好抵呀🤩 黑椒蜜汁薯仔牛柳粒 $88 賣相十分好吸引🤩而且好有鑊氣！牛柳最驚好韌咬唔開，呢味炒到好淋，又冇筋❤️微辣黑椒同甜甜蜜汁溶入左牛柳入面，相當惹味👍🏻薯仔🥔亦炒到好林好入味，食完仲想來多碟🤣 芥末沙拉骨 $88 豬排基本上都冇乜骨，每一小件都好大塊，炒到好林又夠厚身🐷份量仲好足夠添。除左甜酸沙拉汁仲加左芥末，味道非常夾，好特別😙好開胃😎