有6間分店 早餐黎講唔算平 特別嘅係有機茶飲 跟餐+$3 原來係compress左嘅茶 但料同奶茶差唔多 第一次飲 係有少少咸咸地 不過其餘就同奶茶冇咩分別 都好飲嘅😎👌🏼 辣沙甸魚豬仔包 ($44) 呢個好似有澳門特色d 佢翻譯豬仔包係Macau bread😂 烘得勁脆 好食喎 沙甸魚唔係好辣 都唔惺 夾埋個豬仔包又幾好食👍🏼 另外就叫左個火腿炒蛋跟多士 ($48) 普通 大家想像到嘅味啦😂

係Google map無意中search到呢間 有4星米芝連餐廳😯 想食水蟹粥 決定試吓佢！ 入面裝修都幾靚 古色古香 Menu都好多野食 水蟹粥有得拼其他餸 亦有其他小菜粉麵叫 仲要唔使加一！ 水蟹田雞粥(細窩) ($198) 按人數可以決定揀大定細窩 配埋田雞成個粥更加甜 正😋 都好足料 蟹同田雞都好肉地 細窩都好大兜 2-3人食都夠 翅湯竹笙什菇浸花甲煲 ($128) 翅味就唔係好食到😂不過個湯好飲 入面有好多花甲同菇 竹笙都好爽口 又係好足料嘅一煲😎 椒鹽粟米 ($75) 勁惹味 又係份量大 好香口 食完一舊想再食多舊😋 蠔仔煎蛋角 ($98) 原本有d expect 好似煎蠔餅咁 不過唔係😂 似菜圃蛋但入面變左蠔仔 都多蠔仔 不過整體冇咩味 有魚露點下會好食d Overall每樣野水準都唔錯 特別係水蟹粥真係值得一試 唔近旅遊區 但味道更好👍🏼

午市好多人 一定要book位 Menu都係主要意粉pizza窩夫等 叫主菜飲品半價☕️ 🍝蒜香蟹肉意粉 ($148) 正正常常 幾香蒜味 蟹肉份量一般 整體正常發揮嘅一碟意粉 另外特別D嘅係可以+$8轉蒟蒻意粉 食落同意粉質感好似 但卡路里又少D幾好😝 意大利黑松露雞肉意粉 ($116) 個醬偏甜 唔算好重黑松露味 都唔係好多雞肉 意粉都Al dente嘅👌🏼 8吋自家製千島醬慢煮雞肉香草Pizza ($118) 呢個唔記得影相 但都幾足料 賣相都幾好 好多件雞肉係上面 同千島醬幾夾 8吋中等size一個人食夠飽 🍵抹茶鮮奶（熱）($22) 拉花幾靚 適合打卡📸 抹茶味幾濃郁 又唔會好甜 又幾大杯 幾抵飲😎 焦糖瑪奇朵（凍）($23) 又係勁大杯 上面有層泡沫 加D焦糖 賣相又係唔錯 飲品都有水準👍🏼 整體都係Cafe水準 lunch黎講百幾蚊都唔平 間唔中想食好D可以去試~

西九龍都有分店 成日經過見到都想試 今次經OPENRICE叫外賣自取 每個外賣盒要+$2🥲 炸雞餐係抵食嘅 一份$50到有雞有飯有野飲 唔要飯可以要多一件雞 蒜香醬油炸雞餐 ($50) 2個餐我都冇要飯 所以Total 4件雞 全部都係雞髀位 幾滑😌 勁多醬 呢個味甜甜地少少咸都幾好食 就算有醬個皮都仲有少少脆 另外仲有2條炸年糕 煙煙韌韌都唔錯👍🏼 皇牌芝士炸雞餐 ($51) 呢個味就麻麻地 正常啦 太多芝士粉 食落個炸雞會好乾 但個炸年糕配呢個又好味D +細薯條 (粟米濃湯) ($21) 每個套餐都可以加配小食 就係平時食個隻粟米濃湯零食嘅味！ 不過可能外賣 冧左就冇咁好食🫠 蒜香酥炸魷魚一份 ($73) 本身其他都幾滿意 但呢個真係嬲左😠 叫一份 用個細盒裝 仲要得幾條 70幾蚊癲 仲細份個細薯條 唔知佢執錯定咩 如果比呢個價錢得呢個份量真係差左D😮‍💨 失望☹️如果去食建議唔好叫魷魚 可能次次分量都唔同 唔好搏😞

Lunchtime要加一 有飯有烏冬 小食都好吸引下 Lunch包野飲 黃咖喱熟蛋香茅豬扒粒飯 ($57) 個咖喱超適合撈飯！ 個咖喱好香 同埋唔辣嘅 香茅豬扒好香香茅味 同埋都好冧 好易咬 雖然隻蛋係熟蛋唔係流心 不過都好啱送飯😎 咁多選擇 諗唔到食咩就食佢啦🤪

主打歐式麵包同pastries 賣相真係幾吸引 其中丹麥酥好似都係人氣之選😯 Strawberry Danish ($26) Chestnut Danish ($26) Blueberry Danish ($26) Figs Danish ($26) Mango Danish ($26) 其實佢全部個底都係一樣 丹麥酥幾香牛油味 不過唔係好鬆脆 至於揀邊一款就視乎你鍾意食咩水果😂 最好食我覺得佢藍莓 因為藍莓都幾甜 相反士多啤梨同芒果就有啲酸 另外無花果就冇咩興趣 栗子就完全冇得栗子味 食cream為主😗 整體一般 可能其他pastry會更好食🤔

有御膳、壽喜燒、烏冬、定食等 另外叫定食可+$20享用出面自助吧 有飲品任飲、沙律同埋兩款甜品 牛肉壽喜燒鍋燒烏冬定食 ($98) 牛肉排得幾靚 不過肥肉同筋多😗 烏冬都幾煙靭 腐皮正常～ 另外仲有個迷你刺身飯 食埋就啱啱好 前菜有啲醃青瓜、另外嗰個唔係好知係咩😂 仲有一隻溫泉蛋 不過有啲熟 成個餐都選豐富 男仔食嘅話份量就還好 豚肉味噌湯帶炸池魚定食 ($98) 前菜同牛肉壽喜燒定食差唔多 不過就多咗一個蒟蒻嘅東東 鹹鹹地嘅啫喱 都ok啦 豚肉味噌湯超大碗 入面有少量豚肉 亦都有嗰隻蒟蒻、蘿蔔等蔬菜 就好似一碗蔬菜湯咁 可以變湯飯食 另外有炸池魚 炸得幾香口 配埋沙律醬幾好味👍🏼 另外都有一隻溫泉蛋 可以撈飯食 定係呢個餐都好飽幾好食😎

工廈餐廳 唔算好多位 Lunchtime 一時full 一時冇乜人 餐牌唔係好多選擇 主打豉油雞、口水雞、貴妃雞 秋意去骨豉油雞 ($64) 基本上每個部位都有啲 有雞翼雞髀雞胸位 如果淨係想食雞髀可以+$10 豉油雞味道正常 唔會好鹹 不過皮下脂肪都幾多 但係都算滑嘅 反而豉油汁唔係好多 就冇咁好撈飯 可以問店員攞薑蓉 個飯上面有啲飯素 增加少少唔同味 有啲驚喜係隔離竟然有沙律、木耳 同埋半隻浸咗花雕酒嘅雞蛋 都幾重酒味 我就麻麻哋啦 整體成個lunch正正常常 又唔係話勁好食 不過都飽肚嘅～

尖沙咀同沙田都有分店 平時叫開單叫 見到佢新做放題 $388一位 食100分鐘 可以叫嘅都係平時單點嘅壽司 好似食一盤多d都抵番哂😂 每位奉送指定刺身盛合、寿司盛合、 茶碗蒸、白味噌湯及單球雪糕一客 刺身係吞拿魚為主 正正常常 壽司質素同平時單點差唔多👍🏼 都算新鮮 茶碗蒸都幾滑 另外可以任食嘅有勁多款壽司、軍艦 手卷、細卷、烏冬、天婦羅、沙律、湯 個人認為個d卷物同長壽司比較吸引 質素都保持到單叫嘅水準 不過始終壽司有飯 都好快飽😂 如果真大食嘅呢個價錢係ok的😎 100分鐘夠哂 上菜好快 一叫就好快到 所以唔驚要等好耐食唔切 想食就預早book la~

平民小店 附近居民同學生食多 呢個商場出名d野平 都幾經濟實惠 一般揀個粉再加餸 飲品另加錢 將軍撈粗麵 ($33) + 腩肉 ($9) 有芽菜、甘筍絲、炸醬、花生等 好大碗麵 粗麵好有口感！ 係我鐘意嘅質感😎 撈炸醬好食 至於腩肉份量就唔係好多 但味道唔錯 少少辣 正 食哂成碗勁飽！