今日行開MOKO終於試吓QUE，之前一路都想試好耐，見到佢依家仲有開心果系列同埋富山特選塔可，都幾吸引，所以就決定試吓～ 🦀日本松葉蟹海膽醬壽司塔可🌮 面頭有大量松葉蟹肉配上海膽醬，食落超級鮮甜，好足料 🦐富山白蝦三文魚籽壽司塔可🌮 鮮甜嘅白蝦同埋大大粒嘅三文魚子，連埋炸得香脆嘅紫菜一齊食，口感豐富 🦑富山螢光魷魚味噌醬壽司塔可🌮 爽脆嘅小魷魚配搭蟹籽同埋濃郁嘅味噌醬，食落都幾清新 松葉蟹甲羅燒意大利飯🦀 面頭有好多蟹肉同埋蟹膏，意大利飯用左海膽忌廉汁嚟煮，食落係滿滿嘅海膽味，海膽同蟹真係絕配🥰 開心果聖代🍨 呢個聖代入面有唔同材料，有雲呢拿雪糕、開心果醬、麻糬、蛋糕同埋草莓，真係好豐富，而且唔會太甜，食完好滿足 開心果拿破崙🍰 開心果愛好者必點！開心果醬超級香濃，配埋非常香脆嘅拿破崙，甜度啱啱好，真係好好食☺️ 開心果抹茶豆腐沙冰🧋 開心果配抹茶都幾夾，入面仲有豆腐花，唔會太甜飲落啱啱好 開心果有機豆乳拿鐵🍵 香滑嘅豆乳加入咗開心果，兩樣嘅味道都濃郁

今次又去樓下食呢間燒肉，之前已經食過好多次，都覺得好高質，所以今次再嚟食，試吓其他唔同嘅肉～ •大判燒！黑毛和牛西冷🐮 大判燒黑毛和牛西冷每次嚟到都係必嗌，可以搵店員幫手燒，和牛西冷超大片好薄身，望落有好靚嘅油脂，燒完之後就可以點住蛋漿一齊食，肉質嫩滑入口即溶🥰 •黑毛和牛上肋骨中肉 呢個原來係和牛嘅肋骨內，算係比較少油脂嘅部位，但係肉質食落都係好腍，而且面頭仲可以燒到脆脆地，同平時食開嘅會有啲唔同😆 •黑毛和牛腹柳小排 •黑毛和牛上嫩肩里肉 兩款黑毛和牛都好重油脂感食落好香好腍，入口即溶 •黑毛豚脛肉🐷 豬頸肉燒落油脂超級豐富，食落脆脆地好正 •若雞雞腿🐥 雞肉食落好嫩滑，燒耐啲都唔怕鞋～ •石燒泡菜鍋飯🥘 熱辣辣嘅石鍋飯有泡菜、紫菜同埋蛋，食落辣辣地夠晒惹味

今日夜晚再去到呢間西班牙餐廳，去到都唔算多人，可以同朋友過嚟傾偈食飯或者慶祝生日😆佢哋主打傳統西班牙菜，味道真係唔錯😆 •Seafood Paella with Fresh Seafood🥘 傳統嘅西班牙海鮮飯用熱辣辣嘅平底鑊送上，每一粒飯都索滿咗海鮮嘅精華，面頭仲有大蝦魷魚同埋花甲～ •Garlic Prawns🦐 係我最鍾意嘅西班牙菜🤤蒜油蝦大大隻🦐每隻都好入味，撈埋蒜片牛油食夠晒邪惡😋 •Bikini, iberico ham and melted cheese sandwich with black truffle🥪 呢個迷你三文治入面有伊比利亞火腿，熱溶芝士同埋黑松露，佢嘅多士烘得熱辣辣超級香脆，好鍾意呢個前菜🥰 •Potato Salad with Tuna Belly🥙 呢個其實係吞拿魚薯仔沙律配多士，不過佢特別嘅位係加入左大量酸忌廉，令到成個味道好出色，鍾意酸忌廉嘅朋友一定要試😋 •Fresh Clams in green sauce 蜆肉大隻鮮甜，食落嫩滑冇沙，配上特別嘅青醬味道唔錯 •Chocolate cake with Passion Fruit Ice cream 🍨 最後叫咗佢哋嘅朱古力蛋糕做甜品，味道有啲似超級濃郁嘅朱古力mousse，同埋雪糕一齊食就好滿足🍫

好耐冇過嚟九龍城行吓，之前成日都去呢間Cafe，佢係由中藥堂改建而成，樓底好高坐得舒服，今次再返嚟食吓，質素依然無變 雞蛋仔與雞🐥🥚$138 呢個配搭真係好特別，炸雞配上雞蛋仔，我哋揀咗西檸汁，酸酸甜甜，炸雞香脆嫩滑，食落比想像中夾☺️ 傳統英式早餐🍳$108 超級豐富嘅all day Breakfast，有煙肉、薯餅、香腸、蕃茄、茄汁豆、太陽蛋、蘑菇，賣相好靚，味道都唔錯 煙三文魚慕絲炒滑蛋多士配三文魚子🍞$98 香滑嘅炒蛋配埋大大粒嘅三文魚子同埋煙三文魚，下面嘅多士都好軟熟，食落口感豐富🥰 玫瑰牛奶🥛$46 飲落有玫瑰味嘅牛奶，面頭仲有啲玫瑰花瓣🌷 濃濃朱古力☕️$46 超級香濃嘅朱古力，飲落唔會太甜🍫

今個weekend嚟到呢間觀塘好出名嘅Cafe Be Leaf，入面嘅裝修非常之靚，門口仲有個花圈好適合打卡😆今次我哋叫咗兩個套餐，每個套餐都包餐湯同埋嘢飲～ 香煎大蝦手拆蟹肉金沙咸蛋黃意大利麵🍝 每啖意粉都佈滿咗蟹肉同埋鹹蛋黃，配埋煎過嘅大蝦🍤完全啱晒我嘅口味 和風味噌燒特級豬梅扒配菠蘿蜜桃醬🐖 成日食豬扒都會驚好嚡，但呢個特級豬梅扒口感柔軟，而且入面仲好多汁，每一啖都食到味噌味，另外仲配咗酸酸甜甜菠蘿蜜桃醬好開胃🤤 熱自家制焦糖餅咖啡☕️ 賣相超級靚嘅焦糖餅咖啡，焦糖餅融入咗咖啡入面，飲落甜甜地好香焦糖味☺️ 陳皮洛神花茶🫖 呢個洛神花茶係紫色好靚，仲可以少少地咁倒落個杯度飲，而且味道都唔錯，飲落酸酸甜甜

今日嚟到灣仔呢間拉麵小店，佢嘅位置唔太起眼，比較似係家庭式嘅拉麵店😋平日夜晚去到都幾乎滿座，都幾熱鬧 赤武士辛味拉麵🍜$83 店員好推薦呢款拉麵，可以揀一至四嘅辣度，佢話係比較似麻辣，今次就揀咗2試吓，麵質就用咗幼曲麵，唔會好淋，但都掛到湯😆湯底飲落唔算太辣，而且甜甜地，幾特別 魚介豚骨沾麵🍜$88 呢個係比較經典嘅魚介沾麵，佢嘅湯底比較杰，粗麵好容易就掛到汁，食落都幾濃，麵質煙靭，另外仲配埋叉燒同埋糖心蛋🥚 吉列廣島蠔$42 小食佢哋就推介廣島蠔，炸得超級香脆，入面嘅蠔都好嫩滑，食落冇乜腥味 蟹籽沙律$48 佢哋嘅沙律用咗青瓜絲，面頭鋪滿咗蟹柳同埋蟹籽，幾開胃

今日行圍方嗰陣見到Tera，就決定入去試吓，之前已經聽過呢間cafe，佢哋嘅甜品好似幾出名 All Day Breakfast 🍳 $138 全日早餐都幾豐富，有牛角窩夫、黑松露滑蛋、煙肉、德國腸、大啡菇、乳酪、煙三文魚、沙律，啱晒選擇困難症嘅人☺️ 水牛城雞翼6隻🍖 $58 水牛城雞翼大大隻，肉質嫩滑好多肉，個水牛城都幾重口味～ 提拉米蘇布朗尼疏乎厘班戟🍨 $148 Tiramisu pancake係大圍限定，咁就一定要試吓，賣相好吸引，pancake口感鬆軟輕盈，充滿蛋香，仲可以配埋Brownie一齊食！

今次去到沙田新城市食呢間燒肉，之前已經食過其他分店，都覺得好高質，所以今次再嚟食，試吓其他唔同嘅肉～ •大判燒！黑毛和牛西冷🐮 大判燒黑毛和牛西冷每次嚟到都係必嗌，可以搵店員幫手燒，呢塊和牛西冷超大片好薄身，望落係好靚嘅油脂，燒完之後就可以點住蛋漿一齊食，肉質嫩滑入口即溶😋真係好好食！ •黑毛和牛腹柳小排 •黑毛和牛上嫩肩里肉 兩款黑毛和牛食落都好重油脂感食落好香，而且肉質好腍，入口即溶🥰 •黑毛豚脛肉🐷 其實呢個就係豬頸肉，燒落油脂超級豐，燒到脆脆地好正 •帆立貝（5個） 五粒大大粒嘅帆立貝，食落超級滑，配上牛油一齊燒真係好邪惡 •若雞雞腿 雞肉食落好嫩滑，燒耐啲都唔怕鞋😆 •石燒泡菜鍋飯🍛 熱辣辣香噴噴嘅石鍋飯有泡菜、紫菜同埋蛋，食落辣辣地夠晒惹味😛

今日嚟到上環呢間高級中菜館，主打英式中菜fusion，入面嘅空間闊落，夜晚去到都唔會太多人，啱晒同朋友聚會傾吓偈👯‍♀️👯‍♂️ Emperor Tasting Menu $680 Chefs Platter 芝麻蝦多士｜陳醋蜜汁排骨｜脆皮素春卷🫔 最鍾意嘅係芝麻蝦多士🙂‍↕️炸得香脆，入面有好多蝦肉，陳醋排骨食落開胃啖啖肉🐷 湖區海鮮羹🥣 呢個海鮮羹真係好足料，入面有蝦帶子鮑魚等等嘅海鮮，仲配埋蘿蔔同埋菜 蒜蓉粉絲蒸扇貝 扇貝超級大隻，上面有大量蒜蓉粉絲，食落好邪惡 棒棒吉列蝦掛包🥙 細細個嘅蒸包入面有好大粒吉列蝦餅，配埋酸酸甜甜嘅醬唔錯～ 楓樹蜜橙香燒春雞🐥 配英式煙肉粟米粒炒蛋飯 超級大隻嘅春雞燒得好香，肉質嫩滑，外皮甜甜地，味道唔錯，炒飯都粒粒分明，份量好足 廚師小甜品🍰 芝士蛋糕 意式奶凍 最後嘅甜品正常發揮，食埋真係好滿足

今日行開美麗華，又未諗到食咩，就入去呢間開咗好耐嘅拉麵店試吓，入面舖位都幾大，空間闊落，見到餐牌有好多選擇，又唔同嘅飯同拉麵可以揀，仲有好多小食，我哋今次就叫左沾麵同埋幾個小食😆 特製辣味沾麵🍜$105 沾麵嘅湯上到嚟都幾熱，湯底係經典嘅魚介湯，入面有竹筍，紫菜等等嘅配料，拉麵就用咗粗麵，食落彈牙掛汁，仲配埋糖心蛋同埋日本叉燒🐷 炸明太子雞翼🐥$52 明太子雞翼燒得好香，入面有好多肉同埋明太子 自製餃子🥟$45 餃子煎得香脆皮薄，入面嘅餡好Juicy，每次食拉麵一定會叫餃子🙂‍↕️ 炸雞肉明太子醬🍖$70 經典嘅日式炸雞，外皮炸到金黃香脆，肉汁鎖晒喺入面😋配埋明太子醬一流