「水怪 Hangyodon」 突然冒起，搞到連我呢個 Little Twin Stars 忠粉都變埋心🤭 呢日趁假期拉埋朋友仔過嚟 D2 Place 朝聖🤭 鍾意卡通人物嘅應該都會留意到 Ojisan Ramen 大叔拉麵 周不時都會同其他公司合作，為大家帶來驚喜❤️ 今次餐廳以 #水怪 為主題，梗係四周要滿佈 #水怪 先至夠貼題啦！呢日我哋被安排坐喺Bar枱前面，傳統日式佈置，加上可愛嘅擺設，非常吸睛👀 呢日我哋就試咗個「特盛濃厚雞白湯拉麵」、「炙燒西班牙黑豚肉雞白湯拉麵」，以兩者比較，湯底以前者優勝🤤 湯汁索晒喺麵條上，配埋其他配料一齊入口，份外滋味🤤 不過份量就認真少咗啲，可以加底就更好喇🤭🤭 雖然加埋一要過百蚊碗拉麵唔算平，不過食心思、食環境有時都係一種享受嚟嘅😉 大家有機會路過，可以上去試吓大叔嘅手勢呀😉 📍 大叔拉麵 (荔枝角) 長順街15號D2 Place TWO 3樓314號舖

⛈️落雨斯濕… 放咗工有乜好得過周圍搵好嘢食輕鬆吓？呢晚我哋就嚟到 #觀塘 以 #露營🏕️為主題嘅餐廳「營足四季」chilling吓！已經係第二次嚟幫襯嘅 #小秘書，最愛就係佢哋嘅設計夠晒型格，設有模仿營地嘅枱凳、加上地方大到連 1:1 嘅 #露營車 都擺得落，可想而知老細係幾抌本🤩 餐廳菜式以 #泰菜 為主，香口嘅小食就最 啱晒用嚟送啤酒🍻 掛住打卡嘅我，點菜就梗係交俾身邊嗰個啦🤭 朋友仔先嚟杯 #手工啤「露啤」做起點，我試飲咗啖，都幾重小麥味，好容易入口🤤 而我份人咁滋陰，就梗係要杯 #龍眼冰 嚟潤吓喉先啦🤭 食物方面，選擇都唔少，Happy Friday又點可以餓親自己，一於串燒、生蝦… 烤雞樣樣齊🤭 烤焗無激素春雞配菠蘿🐣 雞肉充滿香草嘅氣味、肉質相當嫩滑，配埋焦糖化嘅烤焗菠蘿，整個菜式不論造型同味道，都令人喜出望外🤤 燒蘆筍、菠蘿，仲有沙嗲豬牛肉串🍡🍢 廚師控制得火爐相當好，微燶嘅表層，加上自家製嘅醬汁，別有一番風味🤤 泰式生蝦🦐 將生蝦夾埋蒜片同辣椒，再點上特製嘅醬料一齊入口，味道特別鮮甜🤤 黃咖喱炭燒豬扒配手抓餅🐽 咖喱汁非常香濃，淋上手抓餅配埋豬扒一齊食，好惹味呀🤤 而最值得一讚嘅係餐廳嘅服務員都好細心，為我哋推介食物之餘，又幫我哋安排埋打卡位😃 咁chill嘅環境同服務，最啱就係一班人聚會，同喜歡相機食先嘅我喇🤭🤭 📍 營足四季 (觀塘) 鴻圖道86號中富中心地舖

咪以為 #小秘書 淨係鍾意 #打邊爐 😏 其實我周不時都會同屋企人到 #酒樓 嘆茶☕️ 比自己好好享受吓難得嘅慢活🌱 屋企兩老幾乎每日中午都會出去 #飲茶，所以要搵好嘅點心，一定要請教佢哋🤭 阿媽話近排同老竇去「星海」飲過親戚嘅婚宴，食物唔錯之餘，裝修又幾骨子，而且地方夠晒大又乾淨，可以諗諗‼️既然有人搵埋地方，飲完茶我又可以順路去附近嘅 #Outlet 同 #工廈尋寶，梗係照跟啦🤭🤭 嚟到「星海」，剛好係下午茶時間☕️ 估唔到平日嘅 #下午茶時段 都會咁墟冚😅 成朝無食過嘢嘅我，個肚已經餓到打鼓😅 本來諗住先叫幾個 #點心 頂住先，點知就被隔離枱嗰碟 #薑蔥桶蠔 嘅香氣吸引住💨💨 所謂人一世物一世，想食就食… 照跟‼️ 肥美嘅 #桶蠔 由鐵板上，未上枱遠遠已經聞到蠔香，si le sa la 聲不斷… 彷彿好似喺度叫我哋「食我啦 食我啦！」🤭🤭 熱到燙口嘅蠔肉非常鮮味，夾埋啲薑蔥一齊入口，份外惹味🤤 另外我哋點嘅 #點心 味道同質素都唔錯，成粒乒乓波咁大嘅 #蝦餃王，一啖咬落去幾乎都係蝦仁，餡料十分豐富🤤 #鮑魚燒賣 造型夠晒精美，至啱識食嘅我哋🤤 值得一讚嘅係佢哋嘅 #瑤柱花膠灌湯餃，湯底好鮮甜，#灌湯餃 皮薄足料，就連腌尖嘅阿媽都比個like佢呀🤭🤭 最後我哋點咗個 #子薑皮蛋酥 做甜品，入口鬆化，味道甜甜地又有子薑嘅獨有味道，原來傳統嘅甜點又真係幾好食㗎喎🤩 📍 星海 星海薈 (觀塘)開源道79號鱷魚恤中心2樓

坦白講我對「牛奶冰室」嘅印象一向麻麻哋😅 不過 #首領 既然咁有興致，老遠都要走過來食lunch，我當然樂意奉陪🤭 喺門口等咗大概10分鐘，終於輪到我哋😃 打開餐牌，原來佢哋午餐嘅選擇都唔少🤩 而我就第一眼已經被廣告板上 #爆漿芝士菠蘿包 吸引住👀 雖然係邪惡咗啲… 不過食埋呢餐先算啦🤭🤭一切開個包，澎湃嘅芝士醬已經由菠蘿包中央流出，場面非常治癒‼️咬落去個包都好鬆軟，味道甜甜鹹鹹咁，估唔到又幾好味🤤🤤🤤 另外大食嘅我哋再加咗碟 #叉燒太陽蛋飯 同 #肉丁湯米 做主食🤭 #叉燒 應該唔係喺 #燒臘檔 買返嚟，應該係自家製嘅，帶有少少肥嘅肉質都幾嫩口，加埋兩隻 #太陽蛋，當然係冇得輸🤩 佢哋嘅 #肉丁 同樣係自家製，不過味道唔夠辣，少咗份罐頭嘅惹味😏 食過呢餐，我忽然對 牛奶冰室 加咗少少分😆 哈 等 #小秘書 我試多幾個款式再同大家分享啦‼️‼️‼️ 📍 牛奶冰室 (九龍灣)牛頭角道77號淘大商場3期地下G301-320號舖

難得呢兩個星期工作無特別安排，梗係要花啲時間關顧吓屋企兩老🤭 一早諗定呢晚一齊去食韓式辣豆腐鍋嘅我，臨收工收先到老媽子嘅指令，話老竇要求轉軚😅 要食返啲地度風味喎‼️一向順得人嘅我，梗係就晒佢啦🤭🤭 原來老竇呢晚係想嚟「豪園麵家」食佢至愛嘅 #雲吞麵 😏 餐廳以全落地玻璃設計，望落去地方都幾闊絡。#豪園麵家 對 #黃大仙街坊 嚟講應該唔會陌生，菜式都以港人口味為主！除咗 #雲吞麵食，佢哋嘅 #小菜 聽講都唔錯🤤 呢晚老竇點咗 #味菜炒豬肚、#枝竹豆腐斑腩煲 做主食😅 一向對 #家鄉餸 冇乜興趣嘅我，居然都比佢哋嘅菜式吸引住，爽口嘅豬肚配少許味菜一齊入口，估唔到又幾惹味🤤 熱辣辣嘅斑腩煲鋪上嫩滑嘅豆腐，味道辣辣地，啱晒兩老嘅口味🤤 至於佢哋嘅 #雲吞 當然冇得輸，一口咬落去大大隻蝦仁，跟方魚碎調味嘅湯底混埋一齊，特別滋味🤤 最後要提一提跟餐嘅 #例湯 #清補涼煲豬肉，足料之餘，仲好鮮甜！所以話呢，要食好嘢，未必一定要去五星級酒店，#小店其實都有佢嘅獨特風味㗎🤤🤤🤤 📍 豪園麵家 (黃大仙) 睦鄰街8號現崇山商場地下21號舖

有朋自遠方來，#小秘書 梗係要一盡地主之誼，帶佢周圍玩吓、搵啲好嘢食🤤 朋友仔話晒咁耐冇返嚟香港，點少得一餐特別嘅中菜嚟醒醒胃🤤🤤 早排喺電視睇到介紹，位於 #灣仔 嘅「中華小館」，佢哋嘅廚師對古法烹調有一手，講到咁吸引，一於試吓佢手勢🤭

呢幾日天氣非常之唔穩定，晏晝我仲擔心緊會唔會會因為惡劣天氣而要改期😅 好彩皇天不負有心人，放工時候連遮都唔使帶就可以出門口… feel so good‼️一出 #灣仔港鐵站 行幾步就已經到達餐廳，門口保持一貫中菜館富麗嘅造型，最難得嘅係佢哋居然仲有自設魚池，睇嚟佢哋嘅 #海鮮 質素應該都唔錯🤤

朋友仔連日舟車勞頓，所以我已經預先訂好 #原盅燉湯 俾佢補一補❤️ #海底椰川貝燉鱷魚肉湯、#紫砂功夫燉湯（是日湯款：蟲草瘦肉湯）味道清甜，而且用料非常豐富，值得一試🤤 既然一場嚟到，就梗係要試吓佢哋 #得獎菜式 #芝麻焗鹽焗雞，#鹽焗雞 皮脆肉嫩，金黃嘅雞皮鋪滿芝麻粒，非常香口🤤 另外服務員為我哋介紹嘅 #乾逼拆蟹肉粉絲煲 味道同賣相都相當唔錯，#蟹肉粉絲煲 上枱嘅時候，服務員馬上喺砂鍋旁邊淋上熟油，將鍋裡面嘅食物加熱，令成個菜式更加香口🤤 #乾炒粉絲 配上啖啖 #蟹肉 同 #蟹籽，惹味得嚟又飽肚… 正‼️最後我哋加咗個 #蒜蓉炒白菜 清清味蕾🤤 再配埋碟清爽嘅 #桂花淮山 做小食，味道清涼甜甜地、充滿桂花香，呢個配搭好特別🤤

啲人成日都話冇生意，但係估唔到星期二呢一晚「中華小館」差不多九成滿座😏 咁即係如果食物同服務做得好嘅話，啲客一定會返頭嘅😙

📍 中華小館 (灣仔)駱克道128號地舖及1樓

忙咗大半個月嘅我，終於可以唞一唞😉 縱使有幾眼瞓… 點都要食餐好嘅獎勵吓自己️😚 聽朋友講，佐敦附近開咗間 #日本料理 佐敦七福神和食亭（夢工房集團）環境同食物都唔錯，一於試吓佢🤤 由地面行上到餐廳大門，有股似曾相識嘅感覺，就好似喺東京街頭行上樓上居酒屋嘅場景，加上餐廳周圍都擺滿日式嘅擺設，突然有種返咗「鄉下」嘅感覺🤭 服務員先為我哋安排座位，遞上熱茶🍵 #小秘書 已經急不及待打開餐牌搵嘢食🤤 佢哋嘅食物種類都唔少👀 有各式各樣嘅 #刺身、#壽司、#天婦羅、#日本小食、#串燒… 不過小秘書第一眼已經被餐牌上嘅 #八品刺身拼盤 吸引住👀 #海膽、#八爪魚、#帶子、#北寄貝、#三文魚、#油甘魚，仲有 #甘蝦… 非常豐富🤤 拼盤裡面嘅 #魚生刺身 都非常新鮮，#海膽 味道鮮甜，加埋少少醬油再用 #紫菜 包住嚟食，一啖一口零舍滿足🤤 #牛油焗帶子 味道香甜，經烤焗過嘅海鮮特別惹味🤤 #芝士焗天火蠔 非常肥美，入口充滿蠔嘅鮮味，好滿足呀🤤 而佢哋嘅 #炸物 亦都做得相當出色，我哋叫嘅 #忌廉蟹肉薯餅、#魷魚鬚，同埋 #海老天婦羅，入口完全冇油膩感，仲食到食物原有嘅鮮味，師傅喺控制火候上的確有一手😉 最後食埋個熱辣辣嘅 #海膽蟹肉茶碗蒸，滑滑嘅口感，加埋 #海膽、#蟹肉 嘅鮮味，正好為呢餐畫上完美嘅句號🤤 餐廳整體食物質素同服務都令人滿意，而且食物嘅擺設同裝飾都做得好精美😚 確係一間食得又睇得嘅日式料理☺️ 📍 七福神和食亭 (佐敦)彌敦道311-313號1樓

與其頻頻撲撲上大陸，有時我都會寧願留喺香港，瞓一個好覺，執吓間房再慢條斯理出去搵食😉 可惜值得回味嘅餐廳買少見少，而且價錢仲越嚟越貴😅 打正旗號$38一個下午茶餐，都只不過係餐廳嘅宣傳伎倆😅 餐牌裏面嘅項目平均都要五六十蚊以上，要加蟹粉嘅就當然唔止呢個價啦😅 坦白講… #小秘書 每次過嚟幫襯 #夏麵館 ，其實都只不過係為咗跟餐嗰四隻 #小籠包， 一啖咬落去滿口湯汁，熱到辣口感覺都幾爽㗎😉 不過原來餐廳下午茶餐牌改過嚟，跟餐嘅 #小籠包 不再😅 淨抵嘅都變成糖水/熱湯😅😅 唯一可以接受嘅 #生煎包 都話無貨… 失望🙂‍↕️ 唯有跟大隊，要咗個 #豬扒擔擔麵 跟#豆漿🤪 碗麵其實都唔平㗎，不過口味認真麻麻😅 中辣嘅 #擔擔麵 完全冇辣味，塊豬扒又薄又乾😅 最唔明白係點解 #下午茶時段，喺毫無服務下都要加茶錢同10%服務費‼️成件事真係有啲離地囉🤪 夏麵館 (鑽石山)龍蟠街3號荷里活廣場1樓173A號舖

難得假期，#小秘書 本來已經計劃好週末遊山玩水嘅大計😎 不過呢幾日香港天氣熱到一個點🥵 為咗唔想曬到成面雀斑，都係暫時避一避，走去商場嘆吓冷氣好過🤭 睇完戲出嚟，已經差唔多下晝四點… 朝早只係食咗件 #多士 嘅我，個肚已經餓到打鼓😅 好想坐低飲杯嘢，順便醫吓個肚。咁啱就係商場附近俾我哋搵到間 #棋子燒鵝 @kisonroastedgoose ，下午茶時段，佢哋嘅有 #茶餐、又有 #燒味飯 食，啱晒要求多多嘅我哋🤭 其實肚餓唔止我一個🤭 朋友話嚟得幫襯，就一定要試吓 #棋子 嘅 #燒鵝 🤤 我哋點咗個一人套餐，揀咗 #燒鵝 同 #燒腩仔 做主菜，另配有 #白飯、#油菜 同 #花生雞腳湯 🤤 再另外加咗個 #茶餐，#煎蛋火腿菠蘿包 配 #熱奶茶 ☕️ 兩份食🤤 #燒腩仔 層皮好脆，咬落唔會太肥，而佢哋嘅 #燒鵝 入口會感到陣陣炭燒風味，再配埋 #棋子 自家製 嘅 #梅子醬，確實有另有一番風味🤤 不過最令我驚喜嘅，係佢哋嘅 #菠蘿包，咬落去非常鬆軟，再夾埋 #火腿 同 #流心嘅蛋漿 大啖食，好有滿足感♥️ 最後就梗係要嘆埋我面前嗰杯 #熱奶茶 先至夠完美啦🤭 其實真係冇諗過會喺下午茶時段都咁擦得🤭 不過假期吖嘛，梗係食咗先講啦🤭🤭 📍 棋子燒鵝 (尖沙咀) 加拿分道40號地舖

午飯過後，尖沙咀唔算太多人，我哋喺附近行咗一陣，係時候要過去朋友仔屋企食飯🏡 #小秘書 正惆悵買咩手信嘅時候，醒起地鐵站有間專賣 #泡芙 嘅 #西樹泡芙 店，佢哋嘅泡芙都係用 #新鮮水果 夾雜 #鮮忌廉 / #乳酪 做餡料，啱晒天生兩個胃嘅女士們… 一個用嚟裝正餐，另一個就梗係用嚟食 #甜品 啦🤭 新出嘅 #櫻花布丁泡芙 屬期間限定，泡芙以粉色做主調，加上花花做裝飾，單係外貌已經夠吸睛👀 咬落微脆嘅泡芙，味道甜甜地，夾埋凍凍地又Creamy嘅布丁一齊入口簡直透心涼🫧🫧 另外我仲揀咗朋友仔至愛嘅 #士多啤梨乳酪泡芙 同 #朱古力三重奏泡芙 同大家分享，外貌同樣吸引♥️ 新鮮嘅 #士多啤梨肉 同 #乳酪 嘅味道相當配合🤤 濃濃嘅 #朱古力口味，一啖一口，口感大滿足😚 店員仲話呢排公司做緊promotion，買夠三件或者五件仲有唔同嘅優惠。eEee… 我咪又可以多個藉口，試埋其他口味囉🤭🤭 📍 西樹泡芙 (尖沙咀) 港鐵尖沙咀站TST 2號舖