荃灣廣場附近一向都多美食，今次朋友揀咗一間台式餐廳，正好止止台灣癮店舖裝修風格結合了懷舊和小清新，十分特別平日晚餐時間到已差唔多全店滿座，等咗5分鐘左右就有得入。叫咗兩款主食和兩款小食，等咗大概10分鐘就有。 香蔥油乾拌麵 原本以為份量會比較輕盈，點知是正常麵食份量，性價比高香蔥油十分濃郁，掛在麵上十分開胃，有種古早味道。 酥炸排骨便當 排骨份量很澎湃，比面還大炸得十分香脆，外面薄薄灑上一層胡椒粉很惹味。 起司肉鬆蛋餅 蛋餅外層香脆，包住一層芝士🧀一口咬下拉絲。中間卷住肉鬆，鹹香鮮味同時爆出，每朝食上一個飽肚又滿足，難怪台灣人喜歡早上食蛋餅。 大腸麵線(小) 小碗份量都十分足，麵線比起普通米粉還幼，帶住芡入口十分絲滑。大腸有咬口，夾住食十分台式style 連平日夜市的青蛙撞奶都有，未有假期飛台灣可以食餐十分有台灣風味晚餐止此台灣癮一流

朋友搵咗依一間在諾士佛台樓上的餐廳連酒吧，有室內及兩邊露天位置可供選擇。假期晚餐時間到，餐廳並不算太多人，叫咗幾款下酒小食就可以傾下偈放鬆下。等咗大概10分鐘就有。 火腿拼盤 餐廳設有crazy時間段(16:30 - 19:30)，指定飲品和小食均有半價，折後只需$69，勁抵食。拼盤共有四款火腿，最愛仲係生火腿🐷鹹香之餘更帶油香味，配白酒一流。 松露薯條配黑松露醬 新鮮炸起薯條十分香脆，外面配有松露碎再搭配黑松露醬，松露粉絲一定唔可以錯過 串燒組合 日本厚油揚 最近愛上串燒油揚，烤得外面香脆裏面軟熟，令到豆香味更加濃郁 雞肉棒 外面包了一層帶小小甜味醬汁，啖啖肉十分滿足 雞髀菇 雞髀菇經烤令到汁水鎖在入面，再加上外層調味粉十分惹味 雞皮 與日本串燒店雞皮不同，雞皮不帶脂肪烤得香脆，口感滿分💯 雞軟骨 係串燒嘅王者，爽脆帶點脂肪嘅口感，配酒一流 Alice in Wonderland 依款雞尾酒同smoothie 好似，入口酒味唔濃帶小小碎冰口感，粉紅色造型勁打卡able Wizard of Oz 青檸薄荷味十分強烈，酒味很出，入口清爽 外面仲有一張勁靚藤椅，拎住杯酒到外面打卡一流

依間朋友想食好耐，咁啱到附近於是就去試試。假期下午茶時間到半場滿座。叫咗2款刀削麵和小食，等咗10分鐘就有。 豬軟骨熱拌刀削麵 第一次試刀削麵，同想像中完全唔同。原本以為會好厚，實際口感更偏向似厚版河粉很滑，有種紮實感覺熱拌會配有擔擔醬，用鮮椒和麵豉作調配，微辣之餘更香氣十足拌在刀削麵上完全一口接一口吃唔停豬軟骨十分入味，燉得軟爛輕鬆咬開，肉質又唔柴 花雕醉雞刀削麵 醉雞很入味，啖啖都帶有花雕香氣，肉質嫩滑配湯嘅刀削麵又有另一番風味，不像熱拌味道濃，刀削麵浸住湯口感很滑，不會太吸湯但又有小小湯底味，喜歡食滑口感嘅必試 越式春卷 估唔到在山西餐廳都有越式食品，春卷啱啱炸好還在滋滋冒煙果然都係熱辣辣食最好味。 廚房有個大窗口對住堂食位置，同場仲加映師傅現場刀削麵。原來正宗刀削麵嘅製作要求師傅手抱10-20磅麵團去削，一碗刀削麵嘅製作真係唔簡單

今次覓食去到九龍灣工廈區，搵咗依間地點不太顯眼嘅餐廳，午飯時間到全店滿座，仲有小部份人在等位，我都十分期待佢嘅餐點幸好有提早到不用等，就直接入去。 午市套餐選擇很多無論素菜定肉食朋友都可以選擇到。下單大概10分鐘就菜品已齊，上菜速度媲美快餐 香煎豬柳配司華力腸跟扁意粉 份量很大份很足，扁意粉十分入味，偏軟爛。沙律正常，不過豬柳沒有經過醃製，味道唔太突出，肉質有小小偏嚡不過整體都算不過不失，下次可以試其他菜品

唔知有冇覺得節假日嘅尖沙咀好難食到糖水？假期同朋友食完晚餐打算食糖水直落，幾間甜品店基本都要等半小時以上，正好搵到依間在厚福街較內位置，等咗大概10分鐘就入得。 店舖不太大，每台基本上背靠背坐，下單大概10分鐘就有。 榴槤冰 Durian Sorbet 榴槤一到就勁香，榴槤味冰品配上榴槤肉簡直一絕味道停留口中更耐仲有粒粒西米增加口感，炎熱感即時消退不過略嫌榴槤肉偏少，餐牌上話4分1個榴槤目測應該冇咁多 龍眼冰 Longan Sorbet 朋友的龍眼冰更出色，龍眼肉勁甜，冰品嘅龍眼味十分突出唔會假甜，我偷食了不少 當食完時門口已開始已排長龍，不足的係吃完後不能再坐耐啲傾計

依邊附近幾條巷子都有好多嘢食，今次朋友想食日本嘢就決定咗依間平日夜晚時間到差唔多全店滿座，今次叫咗沾麵拉麵各一和2款小食，等咗大概10分鐘就有。 櫻花蝦味噌拉麵 Sakura Shrimp Miso Ramen 麵食一直係我至愛味噌味道濃郁，櫻花蝦鮮味十足，搭配上層次豐富。麵條不會太腍，滿滿一口十分滿足 鹿兒島赤雞沾麵 Kagoshima Red Chicken Tsukemen 沾麵十分出色，連平時偏好拉麵的朋友都十分滿意麵條偏粗有韌度，放入沾湯上十分掛湯。沾湯是重點，濃郁豬骨味為麵條注入靈魂，重口味人士一定不能錯過 和風餃子 Japanese Style Dumplings 是章魚燒風味餃子，結合冰花餃子嘅香脆，日式餃子嘅Juicy和章魚燒嘅醬汁，忍唔住要再encore 芝士年糕 芝士味十分濃，咬下滿滿一口芝士 想食高質沾麵就一定要試試啦

今日早食晚餐好快就肚餓，同朋友經過依間芋泥專門店就要試吓啦餐廳係外賣店沒有堂食位置，平日晚餐時間到有幾組客人在外面等。我哋叫咗一個吐司加一個甜品，一人叫咗杯芋泥飲品，等咗大概15分鐘就有 芋泥奶凍吐司 依個每日限量供應令到我十分期待。Q彈奶凍配上綿密芋泥口感一絕，2面吐司帶有淡淡牛油香味，烘過帶小小微焦令到口感層次豐富，鹹甜交替味道十分 肉鬆布蕾芋泥盒子 另一款鹹甜交替嘅甜品，估唔到肉鬆和芋泥咁夾。中間更夾住甜甜的布蕾，一匙入口十分紮實 手作芋圓芋泥鮮奶 店員介紹芋泥每天新鮮人手製造就梗係要試下。天氣有少少涼飲番杯熱飲一流芋泥經攪拌充分融入於鮮奶中，令到口感綿密加上有咬口嘅芋圓，冬天飲翻杯真係暖入心 芋泥麻糬鮮牛奶 比起芋圓鮮奶口感層次更多麻糬軟爛，一入口就化開，帶有淡淡米香氣 作為芋頭粉絲就一定唔可以錯過

朋友介紹一間上山嘅居酒屋，地鐵站去大概5分鐘就到。餐廳分為居酒屋及露天位置，平日晚餐時間到，露天位置已滿座，今次叫咗烏冬做主食，再加咗小小刺身和串燒，等咗大概15分鐘就有 坐吧枱嘅好處就係可以睇住食材從原本樣貌變成精緻的過程，真係好治癒 時令魚薄切 深海池魚 池魚平時都會搭配蘇子葉令到味道清新，今次廚師將池魚薄切再搭配上自家調製柚子醋，保留Fresh味道之餘更食出池魚原本鮮甜味作為前菜一流 六款串燒定食 ✅豬腩肉 串燒十分出色，肥膏位置唔會太多，肥瘦相間簡直不要太好食 ✅燒雞腎 作為雞腎忠實粉絲又點會叫？煙韌口感最適合作為伴酒小食 ✅厚切牛舌 火候控制得剛好，啱啱熟十分嫩。 ✅翠玉瓜 估唔到燒翠玉瓜咁juicy，輕微調味令到原本汁水更清甜 ✅豚肉芫荽卷 原本唔食芫荽都可以接受，夾埋減輕咗豚肉油膩感 ✅秋葵 黏稠口感一流 野菜稻庭烏冬 最後配上一碗熱烏冬，十分飽足 吉士餅 同在日本祭典上食到嘅一樣，帶有少少炭燒味十分香 餐廳仲會定期安排唔同飲み放題，剛好完咗清酒放題，愛清酒嘅一定不能錯過

自從搬屋後就好少過深水埗，今次約咗朋友喺到地標西九龍中心食晚餐。商場人流比起記憶中少。平日晚餐時間到，不用等位可以直接入。 餐廳裝修帶樸素風，紅磚裝飾十分搶眼。下單等咗大概10分鐘就有 鐵板肉眼扒 Grilled rib eyes 今次有少少驚喜，下單時叫5成熟，待鐵板溫度稍為下降先切開扒，正好5成熟牛扒外面微焦，裏面肉質嫩滑，搭配黑椒汁簡直將邪惡拉滿分 芝士焗肉醬千層麵 Lasagne Alla Bolognese 上次在另一分店已售罄，今次梗係要試吓千層麵和肉醬相間，塞了滿滿一口十分滿足份量很足女仔可以share食。 自家製心太軟 Home-made chocolate cake 自家製心太軟依家做緊半價優惠，勁抵食由於即叫即整需時，食飯中途店員仲貼心提醒是否需要安排製作。心太軟外層脆入面流心又不會太甜絕對可以encore 食完飯仲可以到樓下蘋果商場買下小物品，勁懷念

已經一陣子冇嚟依邊，之前都聽講陸續開不少新餐廳，今次在附近下班後就搵埋朋友一齊發掘。呢間喺一排酒吧隔離嘅台式餐廳，門口十分打卡able，於是就決定試試 平日晚餐時間到，差不多全店坐滿，等咗一陣才有大枱。叫咗一個烤肉和主食，食台式嘢又點少得蚵仔煎？等咗大概5分鐘就上菜，出餐效率極高 特選燒肉拼盤 Deluxe Platter 想食豬但又想食牛就叫咗依個拼盤，拼盤共有牛豬各2款，每款大概4-5片。厚切牛舌配蔥蒜油十分出色厚切十分有口感，配上特調烤肉汁十分惹味。鹽燒特級牛小扒油脂十分豐富，肉質很軟西班牙黑毛豬肉味濃，鹽燒五花腩肉很有咬口，配飯一流 戀上酥炸蚵仔滷肉飯 Braised Pork Rice with Deep-fried Oysters 蚵仔可以選擇酥炸定古早，大概10粒而粒粒都很飽滿，咬下仲鮮甜爆汁滷肉飯靈魂就當然係仲滷水汁，分量足夠整碗飯。顏色偏淺原本以為會較淡，點知味道調得剛剛好，忍唔住一啖接一啖咁食 基隆市甜不辣 Fried Cuttlefish Cakes 不是炸得香脆果款，有小小似魚片頭口感。只用胡椒輕輕提味令到鮮甜味更突出🤤 戀戀蚵仔煎 Oysters Omelet 每次響台灣夜市都必食。軟腍腍嘅餅底帶有小小蛋香和焦邊，配上鮮嫩多汁嘅蚵仔，仲有靈魂蚵仔煎醬汁簡直一絕 白桃烏龍冷泡茶 Peach Oolong Tea 足足有2個茶包，白桃味道十分出，作為解膩不二之選 桂花烏龍冷泡茶 Osmanthus Oolong Tea 桂花烏龍同樣出色，帶有淡淡清香 估唔到喺酒吧林立嘅位置，竟然隱藏咗一間出色台灣餐廳