今晚去左尖沙咀既日本串揚店， 地方細細 日式居酒居格局 食物質素令人超驚喜😋 地方易搵，地鐵站一出 行五分鐘就到😌 空運到港的鹿兒島新鮮鹿兒島椰菜， 超甜超脆，仲有特制醬汁，我自己食了一整盤！👍🏻真心推薦！ 半熟煮玉子 做法好特別，表面薄薄脆脆的，咬一口，加點些鹽到在流心黃中間，增添食物味道。😋 - 必食炸芝士，超正拉絲的炸芝士😋😋 鮮味的蠔，薄薄的炸皮，好味，必食！ 炸子持昆布超特別，似多春魚，但更實和更彈牙！ 天使蝦十分推薦。 蝦炸到脆身 最後來一個炸年糕結束整晚豐富的晚餐 煙煙韌韌，鹹鹹甜甜，好得意！ 日式味濃

屯門工廠區YKK附近最近有一間新嘅大排檔轉左手，呢度除咗有烤魚鍋之外， 仲有非常之特別嘅鵝煲，睇到餐牌原來呢度嘅招牌菜就係鵝煲，所以我哋二話不說即刻試一試先！係主菜黎之前我哋都點咗幾樣小食，包括蒜泥白肉，涼拌木耳，炸韭菜餃，同埋尖椒皮蛋！特別推介嘅係蒜泥白肉同埋涼拌木耳，蒜泥嘅香味非常之濃厚，木耳夠辣，好開胃，岩哂鍾意食辣嘅人！主菜招牌鵝煲終於都到啦，佢嘅醬汁好惹味，鵝煲內有半隻鵝，三個人食份量岩岩好，唔會爭住食！食完鵝煲後，我地可以加湯，用番個煲黎打邊爐，天氣開始轉涼，打邊爐真係冇得頂！呢度唔單止有一般嘅火鍋配料，仲有唔同嘅海鮮，我地點左深海帶子片，緊係要試下啲少有嘅野啦！另外，我地仲點左肥牛，黑椒牛丸，香菇貢丸，魚皮餃，生菜等等，每樣野都係散叫嘅！

飲品方面除左有基本嘅汽水，仲有可以下火清熱氣嘅加多寶，凍飲配火鍋，正！呢度嘅環境坐得幾舒服，唔會同隔離枱好近，所以唔會好嘈。至於可能有朋友覺得去大排擋食飯好熱？放心，呢度周圍都有大風扇，而且仲係入水出冷風嘅風扇，唔洗怕焗怕熱喇，非常貼心呀！

位於屯門置樂再行入小小，餐廳環境清幽，食得好舒服。服務更讚，
有足夠侍應不停加水，收碟，出餐算快， 臨走全店員都說再見，禮貌服務真係要讚。 三色丼 $160
(海膽，三文魚子，碎吞拿魚腩)
(sea utchin, salmon roe, chop tuna belly with rice bowl)
尼個三色丼，真材實料，因為出面食的三色丼多數都係，三文魚，三文魚子再配其中一種魚刺身。但尼個係配海膽丫

粒粒魚子都好新鮮， 晶瑩剔透 ，係口中粒粒都爆開，口感好爽。

海膽超新鮮，夠香，夠濃，海膽味停留口中， 齒頰留香 ，令人一再回味，感覺係上等的海膽
對比出色的海膽同三文魚子，其實碎吞拿魚腩都唔差架。 原隻龍蝦海膽丼 $258
成盤原隻龍蝦上碟， 側面仲鋪左海膽同三文魚子，正。 好細心咁拆左d肉出來, 個鉗的肉成個已經抽左出來。龍蝦肉夠爽彈。
再次配上三文魚子及海膽。好抵食。 野菜三式天婦羅 $48  vegetable tempura  (包括本菇，金菇，冬菇)
(marmoreal mushroom, enoki mushroom, shitake mushroom)

d菇炸到好熱，粉夠薄，卜卜脆，唔會太乾身，keep到鮮菇味 中拖羅 壽司(Fatty Tuna (chiutoro)shshi)  $65
中拖羅 油脂分佈均勻，色澤光澤，拖羅在入口即溶，味道的在口中慢慢溶化，正。

 今日來到位於旺角嘅橋底串屋 ， 食串串燒烤，雖然天氣炎熱， 但我都想食BBQ風味的烤物， 來到餐廳門口， 餐廳雖然細小，但很有燒烤風味。 先嚟咗一個《橋底麻辣串串鍋 》$68  ~10串。 牛柏葉，牛肉餅，鰻魚餃，蓮藕片，芝士腸，花枝丸，海帶，鵪鶉蛋，蘿蔔片。等等  鍾意多款口味嘅朋友，可以試下叫這款，看上去個鍋好像好辣，但其實一啲都唔辣，
另外再配孜然粉可以給我們點，可更野味。 《鹽燒牛舌》$38  很香牛味， 夠軟熟 ，推薦。 《潮式手打魚三寶》$38煲
內有馬鮫魚丸，鰻魚丸，鰻魚餃。 這個鍋上已經很特別，
另外每一粒都很細緻，味道也不差。推薦。 原隻燒大花蝦 $38/隻
呢隻蝦真係好大隻，手掌咁大，蝦夠新鮮。唔錯唔錯。 《墨魚汁香腸》$28/份
這個墨魚汁香腸，全晚最好食，味道很似台灣腸，驚喜之作。推薦。 《酥炸雞軟骨》$32/份
酥炸雞軟骨很香口，夠脆，會食唔停口。 《四川紅糖薄荷冰粉》$22
臨走叫咗一個解膩甜品，感覺很特別，有薄荷味嘅 蒟蒻，  再加上山楂，幾特別， 很有趣，可以試下。

呢晚約左班舊同事聚聚，餐廳就係深水埗D2出口，我地一行8個人放左工去食，地方夠大有2層，大班朋友食飯都坐得舒服，嗌左大約8個餸，食打冷梗係必食鹵水拼盤!
鹵水鵝片夠入味，肉質嫩唔鞋口，另外我最鍾意鹵水豬大腸同墨魚，鹵水夠入味濃郁夠香口，唔會話淨係得個咸字。鹵水豬大腸墨魚夠彈牙，真心推介，食唔停口，值得encall!


炸蠔餅好香脆，又係必食! 蠔仔份量適中，外脆內嫩，點下魚露，香口滋味。
九菜豬紅，大大碗好豐富，九菜爽脆豬紅新鮮嫩口，湯汁濃郁，拎黎送飯都ok!


另外仲嗌左條烏頭，有點驚喜，好少出街會嗌魚黎食，因為怕魚腥味，呢條凍食既烏頭肉質嫩滑，冇泥味，點下豆醬有啲咸香味更加滋味。推介!


魚香茄子都唔錯，夠惹味，送飯不錯，不過略嫌油左少少。
芙蓉蛋，夠香口，不過不失。


總括黎講，餐廳食物水準唔錯，值得推介，下次黎仲想試埋蠔仔粥呀!今次太飽嗌唔到咁多餸。


另外餐廳地方算大，一班人黎食飯唔會迫迫夾夾，可以坐底慢慢食慢慢傾，地點方便近地鐵站，鍾意食打冷既人可以試試。

冬天, 一班朋友出來聚會, 天寒地凍想搵地方打邊爐, 朋友一家大細住九龍城, 我地就就佢去九龍城搵野食啦
朋友話就黎過年食好D啦, 就帶左我地黎左呢間禾牛薈, 佢話有和牛食, 仲有魚翅湯底, 魚翅湯底打邊爐就真係未試過, 佢咁誠意推介, 真係要試下...
入到黎同某D茶餐廳一樣, 有波睇, 都唔錯...
入到黎先叫左支竹庶茅根水, 打邊爐唔小得佢, 又幾足料, 好飲
D和牛真係有D質素, 牛肉料和牛肉片都好靚, 入口即溶, 正 最緊要個湯底啦, 叫做寒天翅瓜滑雞鍋, 上枱個賣相都幾靚, 當我地影完相之後, 有位哥哥仔服務員, 幫我地用鉸剪剪開入面舊冬瓜, 等我地易食D, 又幾服務周到喎... 其實我地打邊爐好小叫丸類, 因為一般火煱店丸類都係好行貨, 所以今次叫左佢地幾款自家製手打丸, 彈牙同新鮮好多, 正...
呢個糖心皮蛋又係必試, 幾好食 佢地發覺唔夠喉, 叫左魚生翅身, 都幾新鮮, 但我主力都係火煱
呢個餃, 入面有魚翅和黑松露, 幾得意 總體來講, 幾滿足的一餐, 一班朋友開開心心, 試下D新野, 最好味個魚翅火煱湯底, 就咁個湯我都飲左2碗, 下次有機會會再黎幫襯

上個星期同一班朋友喺觀塘睇戲睇，去咗隔離金記食飯，餐廳正正喺戲院附近，好方便，出菜又夠快。真係仲有30分鐘都仲食到個晚餐。

趕時間嘅關係叫咗個什扒，有煙肉豬扒雞扒仲有薯仔底，黑椒汁夠多，唔會限住限住，抵食過平時食開嘅街坊西餐廳。
老婆叫咗個麻辣米線，呢個真係有驚喜呀，首先佢望落去呢就唔覺得有啲咩特別，唔覺得有咩味道，老婆鍾意食豬膶所以叫咗豬膶，本身有豬膶或者雞。
個湯底好好飲，有啲麻辣而且夠擔，估唔到有咁好質素！老婆極速飲晒，仲有索味豆卜，搞到我心思思都想叫一碗！仲要係＄40咋。
好耐冇叫過黑牛，呢度又有喎仲係支裝可樂添！套餐有餐湯野飲，喺附近來講呢度環境又乾淨又抵食！

上網睇到呢一度嘅招牌蛋卷好出名，今次同老婆終於有時間出去食飯，睇過晒啲價錢唔算好貴，未夠鐘睇戲就快速食個晚餐。蛋卷可以揀餡料最多人揀係芝士蟹子喎。 蟹子我呀仔最鍾意食，不過今日放低有佢響媽咪度算啦佢走寶。 即叫即整嘅蛋卷份量好大兩隻手掌咁大上下，配上茄汁同一大堆蟹子，分量十足，計落真係幾抵食。 切開係留心嘅芝士同埋蟹子，係流晒出嚟架，第一次食覺得好震撼。雞蛋好亂配上芝士同蟹子呢個配搭一流。 再點左個鵝肝牛肉石鍋飯，呢個呢又係睇人哋食評二叫嘅好大舊鵝肝同埋好多牛肉，味道濃郁，香口絕對唔比煲仔飯差，百零蚊一大兜兩個人都未必食得晒，服務員仲會幫我地分好晒，特登將鵝肝解體溶係飯裏邊令到成個飯食落海更加香。 呢度有樣嘢好就係每一台都有個茶壺供應唔需要等人哋你幫我加茶。服務態度都幾好嗰日落雨仲好細心提我地記得攞遮。

今日和老婆一齊出席聚會，老婆和２個老友好耐無見，約左在尖沙咀食飯，咁耐無見老婆想食日本野，佢老友book左間日本料理，其實我對魚生壽司一般般，原本諗住叫左拉面，點知上到來是正宗日本風格，主打海鮮bbq，嘩，本人最鐘意就係海鮮，平時１，２個月都會食下海鮮，海鮮最緊要就係鮮，黎到呢度希望唔會失望。 見到樓下餐牌是日文，我諗老闆應該係日本人 上來坐底最留意到個餐牌除左有清酒汔水之外，居然有日本至出名三多利威士忌，最出名應該就係響啦，本人去日本都買左幾支１７年以上在屋企收藏，希望將來升值，呢度飲一杯係合理價錢之內，有無人飲呢？ 望到前台上面個酒架，放滿晒酒，響和山崎都應該有開封到，應該有客飲過！ 出面仲有露天坐，但係今日太熱啦，都係座入面，如果天氣涼Ｄ出去出面食燒烤相信又另一番風味。。。 我地選左好耐，決定左叫套餐，再散叫，套餐方面一位要六百幾蚊，有龍蝦做頭陣，相信唔會令我失望，另一個套餐多左和牛，今次我地主打海鮮就無叫到了。。。 見到隔離枱，有服務員服務，幫你燒，佢地用備長炭燒，好香，未食流晒口水。。。 我支波子汔水黎左啦，老婆就飲荼，由細到大最愛波子汔水，大細路。。。 蟹肉蟹籽沙律：好新鮮好清新，個沙律和汁好夾，主要可能新鮮又肚餓，好快食晒。。。 刺身：套餐包左幾種刺身，海膽有海水味，好新鮮，我見到佢出面有個魚缸有海膽和龍蝦，而入面個日本人師傅開緊海膽，相信是新鮮開，好好味，其他刺身合格。。。 海鮮拼盤：我地個主打黎啦，龍蝦打頭陣，凡立貝，鮑魚，日本蠔，睇上去好新鮮，食落唔知又點呢？ 野箘：這個一般般，可能我食慣有調味，要自己加小小salt先，幾清新。。。 日本蠔：海鮮第一炮，好滑，無腥味，一啖就食晒。。。 日本炸雞：好耐無食炸鮮，所以另外散叫左一碟開心share一下，外脆內軟，好好食入面好滑，無叫錯到。。。 龍蝦：終於龍蝦登場，佢地好細心有整爆到個蝦角，好容易就食到入面Ｄ肉，龍蝦肉質唔散，夠實，實在新鮮，啖啖肉好正，而炭燒亦有炭味，好香好好味。。。 蟹：好多蟹膏，唔洗形容。。。 野菜牛肉煱燒烏冬：套餐有一個烏冬，雖然已經好飽都食晒，無偷工減料，用上贊岐烏冬，好滑啫啫，好軟易入口，牛肉亦入口即散，無根好易入口。。。

另外服務員亦好nice，主動幫我地燒物之餘，仲和我老婆有傾有講，日本人服務係唔同，老闆相信係日本人，店內隨處見到手寫日文餐牌。。。

與老婆休閒地遊走銅鑼灣後， 慢慢地步向炮台山方向， 與將成婚的朋友共享晚餐... 來到炮台山的木星街， 短短的街道左右兩邊食肆林立， 而今日我們來到~ A la maison XXL Seafood & Grill 位置瑟縮於木星街盡頭... 餐廳以海洋裝飾作主題， 主打法國菜及海鮮， 枱數數量並不多， 但每張枱可坐7-8人。 適合大伙兒一齊GATHERING 坐下後，老婆左望望右望望 竟然係找尋黃長興(原來餐廳係佢開) 今日令佢有少少失望la 佢仲諗住可以望住靚仔食飯添 心唸: 咪成個靚仔係你面前囉 今日有食神， 原來XXL 兩週年，有優惠套餐 "12隻法國Fine de Claire 生蠔+1支意大利白酒,原價$638，優惠價$198" Fine de Claire 生蠔 修長的薄殼, 肉色帶淺,生蠔帶少許金屬味，爽口質感 意大利白酒 平時較少飲白酒，唔太識評價， 這款白酒算易入口 炎炎夏日， XXL新推出特飲 Tropical Fizz $68 有青瓜，蜜糖，芒果，青檸，GINGER BEER 青瓜令到飲品飲落好清新 消暑飲品，好岩炎夏飲用 芒果肉豐富 Signature Tasting Platter $648 上層﹕龍蝦，蟹 下層﹕蠔，蝦。海螺，青口，蜆 仲有幾款醬 但由於海鮮都好新鮮 所以都不用沾醬 上枱後，待應會在乾冰上淋水， 仙氣指數瞬間標升 印象深刻的龍蝦及蟹 龍蝦美味指數: **** 蟹美味指數: ***** 蟹蓋內的蟹膏非常豐富 肉質鮮味，肉厚 回味指數爆燈 而龍蝦肉質亦非常彈牙 Apple Crumble $98 蘋果大粒唔太淋有口感，玉桂味唔太濃 加埋雪糕滋味無窮