Outdark 店舖細細但佈置環境浪漫雅緻，一出升降機門就見到情人鎖扣，都是情侶情定終生的浪漫字句，進入店舖昏暗浪漫氣氛襯托星形燈飾好有情調，可惜我唔係同情人嚟進餐，只是同朋友聚餐 烤牛肉炒粉絲～粉絲炒得爽彈配上鮮美牛肉，芝麻配菜的甘香映聚，滋味無窮 海鮮煎餅超級美味，煎餅一點也不油膩，海鮮配菜帶出不同層次口感，脆焦鮮甜豐富口腔味蕾 半份炸雞配上薯條，炸雞🍗咸中帶甜外脆內軟，肉汁在雞肉中，一點不用點醬已非常夠味 薯條🍟亦是熱騰騰配上店鋪秘制味粉，又是別有一番滋味 飲品賣相有心思，但味道一般般，食畢脆炸食物嚟一杯凍飲正好中和味蕾 平日晚上惠顧店鋪細細已座無虛席，侍應無暇招呼，有時要呼喚幾次才有人理睬。 食物水準很好，但服務上有改善空間😅

農曆新年同家人聚會到八一漁八港晚飯，點了 6人套餐，餐廳外遠望維港夜景。 白玉奶皇龍蝦🦞龍蝦彈牙新鮮，配上咸香忌廉奶黃汁帶出更鮮甜龍蝦鮮味 蒸海斑一點也不腥，蔥蒜蓉多而不咸，魚肉蒸得剛好肉質鮮嫩，蒸魚豉油配上姜蒜魚肉提鮮美味 雞湯浸時菜～雞湯鮮味咸香，蔬菜蝦乾瑤柱提鮮提味，清甜美味 煙燻片皮鴨～片皮鴨唔油膩帶帶煙燻香氣，包皮薄薄的配上醬料哈密瓜條、青瓜條、蔥段，美味可口，由於鴨有煙燻唔包皮就咁食一樣可口美味，真的超 瑤柱蛋白炒飯飯粒分明，飯炒炒得乾身唔油美味可口 果凍冰糖杞子糖水有驚喜，清甜美味～好味 椰子雪糕黑糯米糖水～椰子雪糕香濃椰子味，黑糯米煙韌唔太甜 整體食物水準很好美味可口，待應有禮熱情招待，環境亦整潔陪著維港夜景進餐

晚飯與友人到姚姚酸菜魚飯聚，見餐牌有個 2人套餐低食之選，有半隻片皮鴨、一大碗酸菜魚薯粉、麻辣孑然鴨架套餐$438 片皮鴨賣相不錯鴨也油光十足，皮肉均衡，包皮薄而不易爛，加上青瓜、蔥、山楂條、醬料配搭鴨皮入口平衡鴨的油膩感，但可惜鴨沒太大鴨味油膩感比較重，食多幾片比較滯 孑然麻辣鴨架麻辣開胃辣道適中，配上鴨架骨肉也滲入孑然麻辣味一咬一啜惹味咸香 酸菜魚魚肉鮮味嫩滑，配上薯粉彈牙，酸辣湯刺激味蕾，每人都有 2大碗～飽肚好味 食畢酸辣食物清清味蕾，嚟個清新特飲，橙香苿莉茶，甜橙水果配上淡淡苿莉香，清新好飲 水果烏龍茶～甜酸水果配上烏龍茶香，消滯飯後之選

人氣尖沙咀韓國料理店鋪細細不足十張枱，店內佈置粉紅迷人，星期日中午2點半都要等 5分鐘才入座。 芝士豚肉伴飯上枱石鍋熱騰騰鑊氣十足，香味撲鼻充斥豚肉、韓式醬料、飯香等味道，令人垂涎三尺🤤 豚肉入口香而軟淋，伴著芝士菜蔬、飯焦韓式醬料層次豐富，香口美味 牛肉大醬湯伴紅米飯健康之選，紅米健康伴韓式大醬湯加上入味牛肉，完全韓式口感味道濃郁一口湯一口飯，味蕾多重享受 韓式餃子🥟皮薄脆香，內有韓式粉絲、蔥、蘿蔔….，沒太大驚喜比較清淡，個人比較喜歡中式餃子多些，這個一試無妨，但下次再惠顧會試其它款式餃子🥟

頤東酒家都係第一次光顧，朋友聚會推介懷舊點心菜式 蝦多士炸得香脆唔油膩，蝦味十足脆口，我的至愛🦐 鹵水豬腳仔出奇好味，去骨啖啖嫩口豬仔肉，鹵水汁入味咸香 椒鹽酥炸魷魚鬚～魷魚彈牙軟硬適中，咸咸有趙口 西米布甸懷舊甜品，內有香滑蓮蓉，西米配上蓮蓉美味開胃 蟹肉魚肚羹鮮甜順滑，鮮甜咸香，一碗接一碗 海鮮炒飯～唔會太油膩飯粒分明，乾身可口 煎蝦米腸粉～腸粉煎得面有點香口唔太油，配上豉油醬料一絕 中式點心懷舊菜式真的不錯，待應招呼亦勤快有禮

農曆新年假期同家人到有live band 的紅磡海逸酒店享受dinner buffet Buffet 食物有冷盤凍蝦、蟹、生蠔、刺身長腳蟹、青口… 生蠔🦪雖然細細隻但勝在新鮮有淡淡的海水味 刺身三文魚、魷魚、油甘魚、帶子新鮮充滿海鮮味🤩 麵包蟹多膏鮮甜，唔會太膩 蝦🦐新鮮肉質彈牙爽脆😋 青口唔腥有口感 長腳蟹有點失望，唔太新鮮有一陣雪味😔 熟食亦包羅萬有，有燒牛肉、羊架、燒龍蝦尾、蒸魚、點心、粉麵飯等等…. 燒牛肉半生熟牛味十足，肉汁豐富嫩滑 羊架唔太羶，肉質生熟剛好 燒龍蝦尾彈牙鮮甜美味 甜品亦多不勝數，豆腐花、朱古力毛士、芒果蛋糕🍰Movenpick雪糕, 各式飲品汽水、啤酒、白酒、咖啡☕️檸茶….. 7點半左右 live band 開始開腔唱歌，因應農曆年有賀年歌曲，亦有懷舊抒情慢歌，唔會令環境太嘈吵，歌聲美食夜景盡收眼簾

麥記小店不在人來人往的大街，但食物的質素吸引不少人慕名而來光顧。 每次經過時間不配合未能幫襯，今次經過有點肚餓又有位，馬上排隊買嘢食😄 小店出名上海美食，生煎包即煎起一碟 3件，上軟下脆包底煎得香香脆脆不油膩乾身香脆，包餡肉質鮮嫩爆汁，非常好味 雲吞麵即叫即整～雲吞細細粒皮薄餡靚，餡料雖然沒廣東雲吞有蝦只有豬肉，但鮮味取勝食完一口接一口，麵是粗麵麵質彈牙軟硬適中，湯底鮮甜不膩不油～好味 魚蛋、燒賣、腸仔、魷魚就比較一般，普普通通，醬汁沒什麼特別，只有醬油辣醬，不過不失。 推介小店的上海美食，「生煎包」、「上海雲吞麵」很出色，下次會再幫襯「鍋貼」、「酸辣湯」，因見很多顧客惠顧，相信一定也是美味可口

朋友生日一行 3人到楊屋道街市選購海鮮，再轉戰到街市對面的龍廷酒家加工海鮮。 今晚海鮮宴首先出場有上湯龍蝦伊麵，澳洲龍蝦肉質彈牙鮮甜，啖啖龍蝦肉配上清甜上湯、煙韌伊麵，令人大快朵頤 避風塘炒蟹～肉蟹糕多肉多，加上避風塘炒出惹味香辣，伴碟蔥蒜刺激口感，百味交雜，滋味無窮 燒鵝（例牌）燒鵝味道唔錯，但可惜鵝肉有點柴皮亦唔夠脆，有點失色 黑椒牛柳炒西芹～牛柳粒鮮嫩肉爽配上黑椒微辣，西芹香甜脆 金銀蛋浸莧菜～味道咸香有蛋味，但可惜首莧菜太老有渣，有代改善 薑蔥蠔煲～今次無買美國桶蠔改選中山蠔，朋友想試吓中山蠔口感，但可惜中山蠔不及美國桶蠔有蠔味不夠鮮味，加上煮得芡汁太多又淡，感覺帶不出蠔鮮味真麻麻～有點失望 飯後付送紅豆沙甜品，甜道適中，不錯甜品 侍應招待有貌，食海鮮多殼換碟亦殷勤，上菜亦快

以前係荃灣返工經常 lunchtime 會同同事聚腳食飯地方，幾年無嚟今日經過就入去食個午餐。 鹽酥雞扒肉燥撈麵～雞扒大大件炸粉唔太厚，炸得剛好尚保留雞扒肉汁嫩滑，肉燥咸淡適中撈上台灣麵 貪心既我想一得二，可一碗兩食，選了紅燒牛肉新竹湯米粉，濃濃牛肉湯底，牛肉有厚道軟滑嫩滑，配上酸菜彈口米粉 韮菜餃細細有3粒，韮菜唔特別香，但算是皮簿易入口，台灣粗麵軟硬適中 還有 2杯台灣手搖特飲，青蘋果椰果珍珠綠茶，甜酸青蘋果味，醒神開胃 芝士奶蓋鳳梨綠茶～鳳梨味甜甜入心，唯獨奶蓋味淡未見特出 整體也不錯，平平實實

清真牛肉館老店由細食到大，最喜歡高汁牛肉餅，牛肉餅嚟到煎得熱騰騰，急不及待咬一口，肉汁超多鮮味𣊬即包圍味蕾，外皮酥脆，配上牛肉饀肉汁多重口感，味美無窮 咖哩牛腩飯～咖哩汁濃郁微辣送飯一流，牛腩比較瘦鞋有點痴牙，咖哩汁比牛腩出色，白飯粒粒分明軟硬適中 咖哩羊腩飯～同咖哩牛腩的咖哩汁一樣都是濃郁可口送飯首選，羊腩有點羶但可接受，羊腩軟滑肉質鮮嫩算不錯 高力豆沙～熱騰騰上碟即叫即做，蛋白包著豆沙夾著沙糖一起甜到入心，仲和剛才的咸辣味，飯後甜品首選。 九龍城老店午飯時間人也多等了5分鐘入座，座位比較迫，上菜也快只是高力豆沙要等耐少少…… 此店由細到大最喜歡都是食「牛肉餅」、「高力豆沙」，其它就一般啦！