住咗咁耐上水都好少見有餃子店，所以特登試吓，點知非常有驚喜！！ 可以QR code 落單/ 搵店員幫手 餐牌 我地嗌左 1. 白菜鮮肉併雲耳椰菜鮮肉餃10隻 湯 漲卜卜架！ 最讚既係個湯底係老火湯，仲有瑤柱！ 2. 紫菜鮮肉併芫荽馬蹄鮮肉餃10隻 煎 如圖 真心好好食😋 辣菜莆都好惹味！ 食哂之後，老公覺得湯餃好好食，仲嗌左十隻香菇鮮肉餃😆 仲好食過白菜餃，因為菇味好重😍😍😍 下次都會再黎！ 埋單$150食左30隻餃，粒粒都好多料，性價比超高！ 原來仲可以嗌生餃，附送老火湯做湯底😍

今晚同老公食晚飯，搵咗好耐都唔知食咩好，間間餐廳都好多人排隊結果就隨便入咗一間少啲人排隊嘅餐廳，最後竟然係喺澳門食得最開心最好味同性價比高嘅一餐 第一味炸大腸 $68 好脆又冇咩脂肪 兩個人超大份 好抵食😭😭😭😭😭 第二味 焗魚腸 $68 已經越來越少見，仲要價錢唔貴，脆皮蛋同埋入邊魚腸超熱🥵🥵🥵 好好食！！ 第三味 魚湯浸時蔬 $8！ 冇睇錯，係$8！！ 舖頭有三個餸可以揀， $5有瑤柱蒸水蛋，仲有另外一個係$12嘅… 揀咗呢個性價比好高首先菜嘅份量好多，仲要有魚湯味😎😎😎 睇返以前啲食評三年前都係呢個價錢，超級抵！ 第四味 西蘭花炒石斑 唔記得$58/68 炒得非常之好食，西蘭花同埋石斑都係好爽口，同埋呢個價錢真係好抵 石斑都起碼有10舊 最後食咗$231，計埋茶位，食到要托住個肚走🤩🤩🤩🤩 下次再嚟澳門一定會再食😍

本身住粉嶺，來來去去都係食果幾間- 終於等到有新鋪頭- 仲要係粉嶺區好少有既馬拉菜！ 兩個人唔知食咩好，所以就揀左二人餐👫 我揀左 辣味蝦湯底+蝦肉魷魚+油麵 個蝦湯係好驚喜，冇諗過蝦味可以咁濃！！辣就唔算好辣，唔使擔心！但我下次會叫米粉或者摻摻，因為油麵唔索汁，變相好似湯同麵分開咁。 男朋友嗌左 咖哩叻沙湯底+雞絲雞蛋+摻摻 同新加坡既叻沙唔同味，淡啲，但配摻摻都夠入味。 小食- 雞翼加雞肉串 個醬係好好食😋 炸物不過不失 小菜- 五香滷肉配檳城辣醬菜 唔係好慣呢種質感，但有風味既🤣 小菜-五香脆炸豆腐豆卜 正常發揮🤣 甜品- 榴槤咖央多士 正wor😍😍😍😍 因為我中意榴連，自己食哂三舊。榴連味唔係好重，但都夠，包都脆。 甜品- 桔子香茅凍 呢個係有驚喜！夏天食非常開胃，每一啖都有桔既酸甜🥰🥰 埋單～ 如果兩個人唔知係粉嶺食咩好，不仿黎試下以上推薦既野食，其他就....可以試下揀第二樣試下🤣

今日同朋友黎到K11 Musea搵野食，黎到雖然要等六張枱(而果陣已經係兩點半)，但因為大家都prefer outdoor，所以我地都算快可以入座。 Menu~ 我地三個人嗌左五樣野 1️⃣Americano ($30) 2️⃣ Matcha Latte ($55) 要讚既係拉花拉得靚同埋飲緊果陣個圖案都唔會散開，而且唔會好甜。 3️⃣Egg benedict ($110) 賣相好，牛油果都算足料，但價錢偏貴- 蛋唔係好做到流心效果，而三文魚、牛油果、蛋同toast夾埋冇咩驚喜。 4️⃣Fish sando ($95) 食落整體都冇咩驚喜，似貴價版魚柳包。薯條正正常常。 5️⃣Breakfast sandwich ($100) 齋睇個名都唔知係burger🤣，同樣有蛋同牛油果，食落其實同egg benedict差唔多🤣 埋單！ Outdoor係好有氣氛好chill，但食物方面驚喜較少。如果大家經過想chill下而食物方面正常既就ok, 可以黎試下😊。

誤打誤撞黎到呢間銅鑼灣既小cafe, 一入到黎就有種好溫暖既感覺😊 六點鐘黎到仲有夕陽曬住，好溫暖；同埋望住呢個景，就會知點解呢度叫「家」。 Menu 侍應哥哥服務非常好，一黎到就擺低左枝豆同埋斟水比我地😊 1️⃣野菌松露薄餅($98)😋😋😋😋😋 極度推薦！首先餅邊脆，再加上一啲都唔慳黑松露，更估唔到洋蔥係咁夾成個pizza!!我可以一個人食兩個🙈🙈 2️⃣香煎澳洲肉眼牛扒配黑椒汁($198)😋😋😋 本身嗌左medium rare，可惜變左七成。但我中意佢煎到個面好脆口，如果入面再生啲就好😢😢😢 3️⃣炸魚薯角($108) 😋😋😋😋 對炸魚要求唔高，只要脆得黎，啲肉唔會爛哂又離皮就好滿意了。而佢都做到呢啲要求😋 4️⃣蝦兵蟹將($68)😋😋😋 冇咩特別，食到有蟹柳肉。如果再熱啲同多啲芝士就好了。 重點來了，如果以以上既價錢，就未必好抵。但只要係某app book枱，六點鐘就有半價offer 🙈🙈有靚景，好服務同好好味既pizza, 絕對值得到此一遊！🥰🥰

旺角Cafe林立，亦都代表中伏嘅機會好大😖😖😖😖！點知呢間Cafe竟然係一個好大嘅驚喜！我一定會再encore ！ ————————Lunch Menu————————— 0️⃣蒜蓉牛油法飽-又熱又脆 1️⃣是日餐湯 個人唔鍾意食蘿蔔，但係飲落呢碗白蘿蔔湯，竟然意外地入口，唔會好似飲緊蘿蔔汁咁🙈🙈🙈 2️⃣主菜-比吉打深海石斑魚柳香草鮮蕃茄醬汁 賣相極好，見到咁飽滿嘅魚柳即刻心心眼😍😍😍 點知切開，係更大嘅驚喜！魚肉唔會散開之餘，亦都可以保持鮮嫩😳😳同埋個蕃茄汁好濃味！ 3️⃣主食-烤焗紐西蘭羊架配紅酒汁 羊架冇羶味又多肉，再配埋有質感既意粉-😋😋😋😋😋 環境闊落仲可以同朋友悠閑咁坐一個下午，係又抵又高質既選擇❤️❤️❤️❤️

今日黎到大埔呢間西餐廳🍴

以西餐黎講，都算好抵架！
我地嗌左兩個set lunch 😍

1️⃣忌廉龍蝦湯
質感濃厚，咁既價錢有咁濃既龍蝦味，好正！


2️⃣美式BBQ烤手撕豬菠蘿芝士漢堡 ($68)
首先係-好多醬！！！手撕豬冇牛咁有口感，但個sauce加上fresh既菠蘿既組合岩岩好！


3️⃣巴馬火腿烤薄餅($70)
係鹹火腿同埋甜蕃茄既組合，估唔到都好夾wo! 同埋佢又薄又脆既餅邊係我既至愛🥰

4️⃣飲品 (Cream soda +$18 and coffee+$9)
PS 大鄉里出城第一次試雪糕加七喜呢個組合- 原來係非常新鮮，尤其係咁熱既天氣下，呢杯真係透心涼！

仲有靚咖啡～

5️⃣自家製甜品 (+$12)

有橙同榛子朱古力cheesecake，橙味好refreshing!
馬卡龍就有好濃朱古力味，我最中意佢唔會好似出面啲馬卡龍咁- 得個甜字！

——————————————————————
今次主要食快餐為主，其實menu上仲有好多飯同意粉我都好想試！係大埔又平又chill又好食，下次再黎先！ 😋😋

特別鳴謝侍應哥哥忙碌之中都依然對每位客人非常用心款待😊😊

果日睇完台灣大胃王食拉麵既片，就好想食拉麵！點知原來佢食果間香港都有，於是就試下啦！ 因為我地四點幾黎食，都唔算多人，唔使等位！ 可惜下午茶係星期一至五先有！🥺 附上英文菜單，in case有外國朋友想試下！ 仲有期間限定～ 我地一共嗌左四樣野～ 1️⃣ 辛辣炙燒豚肉味玉拉麵 ($93；中辣、硬身） 只有一塊叉燒，有點失望！但湯底濃，亦都好欣賞個麵真係煮到我理想既硬度！中辣唔算好辣，如果嗜辣者可以再試大辣。 最最欣賞係個流心蛋，真係煮得岩岩好！🤤🤤🤤 2️⃣特盛炙燒豚肉拉麵 ($118; 麵正常） 原來特盛有四塊叉燒！ 😨 仲要塊塊都好厚身，唔算得上半肥瘦，反而似1/4肥；3/4瘦，睇你中意食肥定瘦多啲！肉味濃，再加上呢個號稱最強湯底，雖然湯濃到飲唔哂，但絕對會食得哂啲麵！ 我地仲額外加左$10要多粒流心蛋🥰 3️⃣小食 (唐揚炸雞) ($35) 炸雞咬開都熱，同平時出面食開差唔多，可嗌可不嗌，睇你果日想唔想食炸雞。 4️⃣小食 (羽根燒餃子 $35–> $15!!!!) 講下點解$15先！只要scan枱上既QR code download 個app，登記做會員就會送返張$15既餃子兌換券！嗌完野食先發現都唔緊要，職員會幫你扣返$20！ 再講返個餃子，$15就食啦，$35可以唔使試🙈 埋單！ 🥚彩蛋！食完碗麵飲哂啲湯會見到 感謝每位用心烹調既廚師👨🏻‍🍳👩🏻‍🍳！

聯和墟係粉嶺出名多野食既地方，今日經過見到一間未試過既西餐廳！入面仲要好闊落，氣氛唔錯，一於試下啦！ ——————Good times and good people————- 午市餐單 我地嗌左兩個set lunch 0️⃣餐湯 或 沙律 我地揀左餐湯-雜菜湯 1️⃣椰香酥炸軟殼蟹意大利飯 ($73） 齋食飯好甜，但有咸咸地加脆脆地既軟殼蟹配埋又甜又creamy既飯，就岩岩好啦！蟹殼仲有膏tim，用個殼裝飯都好好食架😊 2️⃣竹炭安格斯牛黑松露醬漢堡配薯條 ($98) 呢個係🌟🌟🌟🌟🌟推薦！雖然我地係衝住黑松露而黎，而最後又冇咩黑松露味，但脆既竹炭包、juicy既牛，再加上好fresh又match既酸瓜洋蔥蕃茄同醬，係好好食，稱得上係粉嶺最好食既burger!!! 3️⃣餐飲 粉嶺都有間咁舒服咁chill既西餐廳🤤🤤，好推薦同朋友黎度過一個寫意既下午！ * $200先可以用卡付款 *假日lunch要加一

今日經過銅鑼灣，好想食炸雞！就諗起之前有做買一送一既Sodam Chicken，即管黎碰下運氣，點知仲有更勁既discount- 係買一送二！！ 買一送二既餐單，買貴送平既，任mix and match！送二唔代表送兩份炸雞，係一份雞一個小菜！ 仲有飲品既買一送一🥂 ‼️但有野要注意呀- 1. 太陽芝士炸雞唔包買一送二 2. 送果兩款都會計返原價加一 我地最後嗌左 1️⃣ 三併炸雞 (蜜糖芥末香蔥炸雞+ 黃金咸蛋炸雞 + 檸檬柚子炸雞） 三款黎講，柚子夠清新；咸蛋比較膩；都係蜜糖芥末最好食！全部都好脆口！😋😋 2️⃣ 雙併焗雞 (蜜糖蒜香焗雞 + 紫菜焗雞） 蜜糖蒜香焗雞好食啲，因為啲汁好夠味！反而夠雞唔係好索到啲紫菜粉！但兩者都好脆！😋😋 份量好多- 各有一隻雞槌； 兩塊雞腿肉；一隻雞全翼- 兩個人食唔哂🤦🏻‍♀️🤦🏻‍♀️ 3️⃣小菜 (泡菜魷魚) 好彩嗌左魷魚冇嗌薯條，冇咁膩！ 4️⃣ 買一送一既飲品 (蘋果雞尾酒，海特雞尾酒） 一杯原價$78，計埋加一，而加兩杯大概$90有找！ 店家好貼心，有送紙袋裝口罩！ 最後多謝一位短頭髮侍應姐姐好好既service!! 😊😊 優惠做到四月尾！