屋苑group有街坊介紹人寵共樂的餐廳，早早就想過來探個究竟。這天天公不做美，只好掉下狗狗兩口子先來探路。 前身的聯和墟街市翻新後，變成粉嶺版的小型中環街市，集本地商販cafe餐廳。外圍有寵物空間進食，又有戶外公眾場地可以休憩。 本身對CAFÉ 的出品沒有期待，但這裡的蟹肉扁意粉卻有意外驚喜。 意粉的賣相吸引，蟹肉的份量十分豐富，幾乎每一啖的意粉都能品嚐到蟹肉。醬汁或者有上湯燴煮過，加上菇菌作配搭，令整體味道更為豐富。 當中，炸脆的羽衣甘藍香口之餘，帶有少量鹽花的製作方法及出品，有點像厚身的紫菜，它的美味程度實在讓我對羽衣甘藍完全改觀。 週末午餐包一份主菜及一般飲品，又可以加購湯。僅為$5的粟米湯非常高質，是可以看得出來的足料。菜單有標榜食材來自蔬菜統營處，支持香港出品之餘亦是信心保證。 焗豬排飯比意粉更出色，無論蕃茄或茄汁也是自然的甜，飯粒分明而醬汁又不會過多，夏日食感覺清爽。 由於用鐵鍋可以保留到豬排肉汁，飯粒又不會焦，食到一半仍然熱辣辣。好味同時有菜有肉，營養平衡。 炒飯底飯粒乾爽同茄汁絕配，上面的車打芝士好濃味，芝味十足。豬排好像有十片還要不是冷凍貨色，輕輕醃過保留豬的鮮味，男朋友大讚。 香蕉雪糕窩夫比預期中出色，香蕉表層配上焦糖薄脆，又甜又可口。 窩夫賣相精美，但個人認為麵粉夾層比較厚實，加上牛油製作，食一半過後已經有飽滯感。然後，芒果雪糕卻是非常出色，香滑之餘，亦有豐富的果肉。 難得凍cappuccino咖啡也做得底蘊濃厚，加上少有的奶泡作頂層的點綴，品嚐得到的香滑之餘，也沒有過份的甜，的確是一杯好啡。 Mocha相對上咖啡味沒那麼突出，然而可可味濃厚，非常容易入口。 菠蘿雪葩是我在日本餐廳吃過的，日本進口貨非常高質，雪葩綿滑無纖維感，卻又有如飲純果汁的味道。 狗狗有自己的menu，全是新鮮蔬果及健康肉類濕食。等天氣轉好，一定要帶狗狗來食飯。

比起apm或工廠一帶餐廳的熱鬧，我同朋友更想揾一個有格調而幽靜的環計傾計。凱匯平台的餐廳都係好有個性各有selling point。二人餐全包價CP高，九項只是四百多。煙三文魚沙律係full size夠哂新鮮，沙律脆口爽甜。三文魚有3大片而且有質素，作為頭盤很是胃口大開。

雜莓乳酪飲用偏濃厚的半固態乳酪，拌入果蓉。難得飲品沒有特別加太多糖，微甜更可以飲到奶的香濃。飲到底穀物粒仍然浮於表面，可以想像佢有幾足料。湯就不多介紹，本日是紅菜頭湯。龍蝦湯煎蝦意大利飯實在推介，第一口已經食到蝦頭油特殊的香氣。味道拍得住意大利餐廳的質素，欣賞佢無落忌廉不會油膩，更有蕃茄平衡海鮮的強烈味道。煎蝦外殼少少燒焦，但蝦肉就剛剛好。由於上枱時已剪蝦腳同鬚，進食時好方便。朋友特別要求淋身意大利米，餐廳做到之餘醬汁也不會少。由於燴飯時間長了，米粒更吸盡龍蝦汁味道，大家一陣就清碟。套餐有另一個主菜，揀左自己難烹煮的厚切西班牙黑毛豬。肉雖然厚脂肪且不多，但煮到剛剛好肉中心略帶粉紅色，入口比一般豬排彈牙。黑毛豬仲有一個特色係帶有果香，唔會有豬羶味。食到悶悶地又可加燒汁轉換口味。目測豬排有10oz，一塊兩個女仔分享還有剩。甜品比較可惜係movenpick未到貨，但芝士蛋糕也滿意。口感是輕盈的日式芝士蒸蛋糕和焗芝士蛋糕兩者中間，幾飽都食得落。由於餐廳不會催促客人，我同朋友可以慢慢食一直傾坐到收工，呢個價錢平靚正。

心中冒起放工鬆一鬆的念頭，即興拉隊約同事吃頓飯。 餐廳為各種卷物冠上很厲害的名稱，種種配搭新奇有創意，看來很合年輕人試東試西的口味。 秋葵蝦肉天婦羅 炸秋葵吃得多了，釀入蝦肉則是第一次試試。蝦肉軟綿綿的質感，外層天婦羅脆皮，消減了秋葵黏液的異口物感，讓superfood變得好吃。不要忘記沾蘿蔔蓉汁，會更配炸物喔。 秋葵是加加大版，可以釀入更多蝦肉，一份已經可以讓你飽肚的小食，非常抵食。 富士山 蟹柳份量震撼，有如富士山的積雪堆得高縱高，把底層的牛油果鰻魚卷淹沒。完熟牛油果跟鰻魚就是絕配，只是鰻魚量多一些就更好了。 吃到一半還剩大量蟹柳絲，只要加點wasabi抹，脆片拌蟹柳就成為一道獨立的小吃。果然脆片是它家壽司不可或缺的亮點。 日式煎餃 日式煎餃香脆可口，肉汁豐富，豬肉混入小量的洋蔥，令味道層次多變，配搭微甜的餃子汁，是平凡但實在的一道comfort food. 串燒腩肉 豬肉本身的肉味已甚為濃郁，燒製後的豬肉的油香略帶焦香，加上日式燒汁微甜，讓豬肉的味道更為突出。這碟串燒是當晚味蕾衝擊感最為精彩的一道菜。 龍捲風沙律 日式沙律雖然簡簡單單，但只要材料新鮮就足夠製作出美味的沙律。蟹籽、蟹柳、中華沙律，配上日式沙律醬混和新鮮生菜，美味而豐富。特別是這裡加入薯片碎，脆口的感覺突破了過往沙律的平庸沉悶，是一種新層次的味道發現。 下次可多試試串燒鍋物，可能會有意料之外的驚喜。

唔知有無人同我一樣有個無酒不歡的朋友，每次見面去居酒屋或pub是指定動作，靠住朋友帶路捐窿捐罅揾好食物。



這間昭和主題的居酒屋每個角落都係影相位，更有矮枱適合一大班朋友傾計。



蠔的篇幅係餐牌上佔據多版，生食之外亦可酒煮、燒等等，可以選擇的品種或產地蠻多。

初嚐來自日本的日之雪花蠔，加上帆立貝及三文魚籽，啖啖都係海洋的滋味。爽脆的蠔肉同一般歐洲蠔大不同，海水鹹度低金屬味少，更食得出其甜味。



大食既我地點一份七色刺身拼盤，以產地直送為賣點，質素必然有保證。

一卷卷刺身玫瑰，仲有滴油中的大拖羅😍，見到Wow左一聲。連同裝飾的刺身，原來刺身種類唔止7種。



中拖 ➡️ 一塊可以食到吞拿魚的紅肉的回甘，及油花甘香
大拖 ➡️ 滴出油的魚腩好考師傅刀功，難得片片完整，厚度亦不會感覺過於油膩
池魚 ➡️ 紅肉部份魚味最濃，魚肉細嫩



鱸魚 ➡️ 白身魚一般較淡味，吃的次序放在第一，沒料到後味非常甜
真鯛 ➡️ 第一次吃到的鯛魚是爽脆的，有被質感驚艷到



帆立貝 ➡️ 比生蠔上的更厚肉更有彈性
海膽 ➡️ 甜！幼滑而無腥味苦味



三文魚 ➡️ 雖然是常見魚種，但既為港人最愛刺身一定要有，油花均衡好有魚味，是上級的三文魚
甜蝦 ➡️ 大大隻，同樣好新鮮
裝飾上有 ➡️ 三文魚籽和玉子

卷成刺身花每球有四五片，拼盤份量想像中還多，足夠三四人用。以飛機貨來說質素比起上其定價，整體大部分食物亦比同區居酒屋優惠。





酒水多款都係獨有的自創飲品，朋友每次來指定飲蜂膠檸檬燒酌。醃漬過的檸檬帶有少量果皮碎，為較嗆口的燒酌帶來清新感。混入梳打水，加一小塊蜂膠增加層次。



菠蘿梳打就更合女仔口味，菠蘿蓉果味滿滿。職員好貼心端上碟和刀叉，方便移開杯邊的冰菠蘿慢用，作為飯後甜品不錯。



日本家庭料理中的薯仔沙律，簡單卻美味。平凡的食材加上三文魚籽大大加分，微酸蛋黃醬非常開胃。一旁沙律菜重點在於秘製醬汁，醬油、柚子、醋加起來出奇地夾。



最後以鯛魚湯飯暖胃，奶色的魚湯濃郁順口。無論魚湯蔬菜米飯都取得平衡，無須任何調味亦有豐富的風味。

即席以gas爐在我們面前加熱魚湯，鑄鐵鍋的熱力有助魚湯滲入白飯中，保温效果亦好好。

灼熟的鯛魚比生吃更甜美，入口依然柔滑讓人滿足。

家人話口淡淡，近水樓枱去左水門雞飯食泰國菜。 最有代表性的pad thai火喉十足。雖然舖仔細細，但功架賣相都要讚。 金邊粉條條彈牙，有齊傳統的短芽菜和豆腐乾。整體醬汁微甜，是很適合香港人的味道。 若想加花生加辣也很隨意，個人覺得夏日滴青檸汁更醒神。 Lunch時段免費送飲品，無論養生特飲凍飲一應俱全，而且無額外收費。 泰式話梅汁是十分推薦的飲品。話梅的酸香融入飲品，加上糖分甜度剛好蓋過梅既酸味與鹽分，但又不至於過甜。飲品相信亦加入了羅望子，味道層次變化多。 香茅茶原來是帶有微微咸味及檸檬香的香茅飲品，比話梅汁更少甜，消暑又解渴。 外加一碟蝦頭膏炒雜菜。泰式既炒雜菜向來十分惹味。蒜頭被壓成蒜泥，迫出來海鮮香味淹沒每一片既菜葉。加上蝦頭膏既鮮咸香，入口有鑊氣之餘，同時風味十足令人想吃到清碟。 泰式海南雞飯是偏瘦的健康版本。由於有酸辣汁拌飯，即使雞胸肉肉質平實，亦有加分效果。油飯則做得不錯，沾有黃薑與雞油香的有味飯，十分可口。 另外加$10附上的雞雜以白滷水浸入味。沒有牛豬雜的羶，而且爽脆少油脂，可以不妨試試。 Lunch還有特價串燒，兩枝豬肉串再跟兩個醬汁。沙嗲汁是打到幼滑的花生椰漿醬，完全不會辣，另一個就是調味醋。 食到尾聲見到供應的火鍋套餐份量蠻大，下次有空可以一戰。

Poke bowl 對於好多減肥或素食人士而言係一大福音，保持健康同時唔需要犧牲對食既追求，食到飽飽又有營養。 Poke既食法係魚生飯混合車仔麵既概念 。Main protein通常有魚生粒，然後客人可以揀各種配料醬汁，創作獨一無二既poke bowl。 呢種點菜方法提供好大靈活性。減肥可以走carbs走醬，素食者可以揀雜菇作為基底。 Protein: 三文魚魚生粒 Base: Green Salad Toppings: 枝豆 • 粟米 • 芝麻醬豆腐 Dressing: 山葵乳酪醬 (少醬) Seasonings: 木魚 • 紫菜 • 芝麻 • 岩鹽 • 炸蒜 • 果仁碎 睇我隻手就知份量同價錢係成正比。市面雖然有poke bowl做到100蚊以內，但不論魚生同配料都唔及呢間手鬆。 豆腐多到滿瀉，要飽肚揀枝豆及豆腐就對了。枝豆更加係清腸胃之最，因為有蒜碎木魚碎既加持，食菜都唔會覺得單調。 一口氣清左半碗菜，見到剩底既魚生堆疊起來好滿足。三文魚有鮮味，部份用上魚腩部位魚油香溜，拍得住壽司店質素。 山葵乳酪醬比較低脂低鈉，同油份重既魚生調和起來好夾。由於我選少醬，只有toppings部分有醬汁，底下沙律菜無醬脆口又無咁肥，其實亦可另上醬汁添。 夏日炎炎，餐廳職員好殷勤密密斟水。適逢Smoothie做緊優惠價，試左杯紅肉火龍果smoothie。 果昔由原個生果壓成，無添加糖份或稀釋，純天然係佢既一大賣點。附上一串火龍果乾都可以食用。 Poke bowl另外推介組合，會比DIY自己揀料多出一款配料，但價錢相若，有興趣可以試試。

大埔太和中日韓料理就多啦，但馬拉餐廳暫時只諗起呢間，所以都幾受歡迎。尤其星期六日旁邊的教會崇拜散場就更加熱鬧。 炎夏少不免要飲凍飲，午市套餐原本都包一杯飲品，連柚子蜜薏米水都係免費。 我地比多幾蚊叫黑糖珍珠奶茶同Mint chocolate。奶茶拍得上台式茶飲舖既質素，珍珠粒好濃茶香，非常消暑。 至於薄荷朱古力就係童年回憶，夠凍一定好飲。 最多人叫既一定係喇沙摻摻，一碗有齊油麵米粉，一啖有不同的口感。 喇沙湯底各派都唔同做法，果子既就比較貼近港人口味，椰汁味濃而且唔辣。唔好以為紅油就等於辣，其實係蝦油黎架。 油麵滑不溜口但唔吸湯，加埋米粉就彌補到麵條的特性，仲比較健康。 豬頸肉有四五片，如果燶邊香口少少仲正，咬落有油香又夠入味。因為另有魚蛋豆卜同蛋，食到一半都幾飽。 印尼炒飯材料豐富，諗住只係一個豉油炒飯，上枱時見有蝦又有串燒非常期待。 串燒係雞肉，即使係姐姐黎開餐都可以食。沙嗲醬有花生碎香氣濃郁，如果跟餐加小食值得encore。 海蝦去左殼但又保留到頭尾相連，係幾貼心。上面酸酸地既印尼醬開胃，如果比多D撈飯就好啦。 其實我地亦叫左兩個小食。馬拉盞炒通菜份量唔少，兩個人食都ok，$20值得嗌。另一份南乳雞翼就正常水準，可以再醃得鹹多點。 以茶記價錢食到南洋菜，份量夠大，食完唔口渴，係區內不錯的選擇。

今次想介紹一間同花墟一街之隔的cafe。因為周邊並非遊客觀光的地區，目前仍以本地客為主可細味一片寧靜。 踏入3點後供應tea set，都以各類輕食為主，蛋糕 三文治 salad or cereal bowl。下午茶包含一杯long black或果汁，比單點節省下不少呢。 雖然只是一個煙三文魚牛角包，但由於多左芝士牛油果呢類好creamy既材料，又有清爽的車厘茄平衡一下，整體感覺豐富得黎唔會太heavy 。 牛油果熟透的程度都係我在意的部分。呢個牛角包既就岩岩好，好似牛油既質感就是了。 跟餐咖啡由於只有long black，想飲白咖啡或特別飲品就需加錢。Mocha對得住cafe的定位，朱古力、牛奶、咖啡份量都好平衡。 朱古力味比連鎖店濃郁，我估用可可粉所以無咁甜。咖啡豆即磨製成的expresso基底同樣高質，浮面的可可油脂飲到最後仲last到。 另外我地叫左份海膽蟹肉意粉，價錢合理一百中左右就食到。一般西餐廳有海膽兩隻字叫價就要二百以上。 意粉黎到時顏色偏橙，或者已早早燴入海膽汁所以好入味。醬汁同乾既調味料分開擺放，可以根據個人喜好調出最適合自既口味。 海膽只有珍貴的一片，新鮮好食無苦味。反而蟹肉就比得好多，而且係一梳梳拌麵都保留到口感。 Creamy的海膽汁加埋蟹籽，非常滿足，食到最後要飲埋啖汁。 比較少cafe有做這款carrot cake，而且更是足料的，食完竟有飽肚感。 忌廉frosting夾住濕潤的紅蘿蔔蛋糕，仲有大量核桃碎，個人覺得性值比幾高架。

突然想食蠔揾左間西餐專門店，即開新鮮既蠔質素比較有保證，仲有來自不同海岸的品種。雖然buffet一個價錢就可以任食蠔，不過沖走海水食唔到原汁原味。 餐廳位於尖沙咀黃金地區，但因為位於樓上舖，人流不太密集不用急住交枱，用餐體驗比地舖舒服。 當日有7款蠔來自3個產地，職員serve蠔時介紹邊一款較濃味要最後吃。 左手邊美國珍珠蠔屬N2 size，只帶輕輕金屬味。入口滑溜海水味淡，是比較清新利落balance的口感。食蠔新手最容易接受的品種。 西班牙蠔比美國，法國，或紐西蘭蠔較少見，食過一次就愛上了它的creamy感。N1 size 單買一隻$60， 平時凍肉舖一整盒出售價除開一隻要$40隻。而入舖食有專人開蠔價錢好合理。 Arousa蠔肉大大片又夠厚肉，咬落仲特別爽口，回味滿足感十足。靚蠔一律建議只落檸檬汁，用海鮮醬會蓋過蠔的鮮甜。 食蠔唔夠飽既，只要點一份一人餐以上兩隻蠔就免費跟餐。前菜有一份田園沙律及足料三文魚麵豉湯，魚味極濃很有誠意。 再來套餐前菜第三味，煎大虎蝦。一人套餐有兩大隻厚肉蝦，說是二人份量不為過。 見蝦背一行行紋理就知有幾爽彈。燒熟的大蝦配鹽粒簡單惹味，因為蝦太大隻要出動刀叉分幾口食。 另外加左個套餐無既鮑魚炒露荀。本來覺得價錢有點略貴，但上菜望見鮑邊的刺邊就知用料上乘。 鮑片熱食時柔軟，cool down過後更是濃味，又會變得煙韌，有趣有趣。露荀刨走外皮所以更嫩口。 Main dish蒜片斧頭豬排，重點必定是蒜片。想不到蒜頭的甜竟帶起整道菜，為豬排添加生氣。 豬鞍肉用上外國豬，脂肪部位爽口不油膩。全碟不消十幾分鐘就清空，十分滿足。

說到日式餐廳未必會想起鐵板燒，加上物以罕而貴，係香港一般都要一二千元先可以食到有質素的鐵板燒。Google大神推薦下黎左呢間價廉物美的鐵板燒小店，兩人食埋刺身活龍蝦都係九百幾。 鐵板燒原來一人亦可盡慶，我倆都好鐘意海鮮，選擇了第二級別的龍蝦餐。 來鐵板燒店最著重座位安排，有bar枱觀賞大師傳準備食物的高座，亦有適合一家大小的普通餐桌。 餐牌平平無奇，但後來有被食物驚豔到。每款套餐均附基本鐵板組合，沙律、炒飯、味噌湯和炒椰菜。 套餐第一道是日刺身，選取的是時令海鮮，並非一般貨色。 天九鯛：猜想是新鮮的飛機貨，魚生片爽口有光澤，沾上淡柚子醋更帶出魚的鮮甜 三文魚腩：也不用多說，肥美厚切就是皇道 油甘魚：交叉切割方法口感軟滑，順道欣賞師傅的刀功，冬天吃油甘魚魚油特別豐富 帶子：醬油輕輕炙燒過的帶子不用另加醬油或wasabi，還有少許柚子鹽提鮮。原粒帶子一分為二後仍非常大粒，啖啖肉充滿海洋味道。 高温的鐵板燒可以迫出比目魚的水份，沒有平日吃的西京燒般鬆泡泡，塗上燒汁再煎至魚皮香脆。 鐡板炒龍蝦的龍蝦肉十分爽彈，原來龍蝦肉可以用一梳梳來形容。師傅將龍蝦肉從殼中拆出，然後將龍蝦膏與肉球混合炒香，令雪白的蝦肉也帶點金黃色。 這一道海鮮味道濃郁、惹味，鐵板又可卸去多餘油脂，保持不油不膩的優點。龍蝦一啖接一啖實在停不了口，私心推薦必吃。 翻轉本以為是裝飾的龍蝦殼，竟然還有少量剩肉可吃，看來這隻龍蝦實在爆肉。 沒料到吃過龍蝦肉填飽了大半，牛肉薄燒四件就好了。牛肉片雪花相間，燒至七成熟保留肉汁，同時內裏的蔥花也熟透。 簡單的櫻花蔥花蝦蛋炒飯，珍珠米炒得粒粒分明。金黃色的蛋漿包住米粒，蛋香撲鼻而來十分吸引。炒飯的配料則以櫻花蝦為主，雖然材料的配搭相對單調，但味道卻是中上。 面豉湯和炒椰菜放至最後，為整頓飯清理飽滯感。同時因為每道菜份量都較大，特選食物於在前面的安排也很聰明。